Новости
ТАА БЕШЕ ЕДНА ОД ОМИЛЕНИТЕ ПЕЈАЧКИ НА ТИТО: Кариерата и заврши за миг откако направи голем лапсуз пред него и Јованка !
Таа беше една од ретките кои можеа да го бакнат Тито
Јавна тајна е дека една од омилените пејачки на Јосип Броз Тито била познатата пејачка Оливера Катарина која му пееше на Маршалот неколку пати, а еден од нејзините лапсуси остана запаметен.
По овој лапсус, Оливера Катарина била засрамена а набргу потоа исчезнала од музичката сцена.
Овој настан се случи на Тара кога познатата пејачка и актерка требаше да настапи пред Тито и неговата сопруга Јованка, а денес се пренесува како анегдота. Сепак, тогаш не и беше лесно.
Да, можеше да го бакнеш Тито. Секако, ако сте Оливера Катарина. Оливера беше поканета да му пее на другарот Тито и нејзината пријателка Јованка, на новогодишната ноќ во 1975 година во Бриони. Три години подоцна (1978), Оливера повторно запеа пред Тито. Овој пат на планината Тара.
Пејачката требаше да остане на Тара шест дена, и имаше задача само да се грижи за оркестарот. Но нешто се случи тогаш, што денес може да изгледа само како анегдота, ако се занемари позадината на тој настан.
Имено, кога требало да го има последниот разговор со оркестарот пред настапот, таа во последен момент била известена дека целиот оркестар е вратен во Белград. За среќа, таму се најде Милутин Поповиќ Захар, кој се понуди да и помогне. Таа беше преплашена. Почна да ја пее својата песна „Ти си моето јагне“, која може да се изведе без оркестар. Сепак, наместо да каже „Ти си моето јагне“, Оливера ја испеа песната со стих „Ти си нашето јагне“, и тогаш смрзна од страв.
Не знаеше како тоа ќе го протолкуваат, бидејќи не сакаше да помислат дека таа всушност му се обратила на Тито велејќи дека е овца. Таа веднаш се извини. И, еден од политичарите додаде – „Не заборавајте – таа е актерка“. Доби голем аплауз и вртоглаво исчезна од сцената, откри во една прилика сведок кој бил присутен на овој настан.
Тито бил обожавател и на Уснија Реџепова
Пејачката Уснија Реџепова беше надалеку позната по својата убавина и талент, а ја обожаваа и Тито и Фидел Кастро.
Пејачката во едно интервју од 2011 година раскажа како настапила на Бриони пред Јосип Броз Тито и неговиот тогашен гостин, Фидел Касро.
Кастро беше на гости кај Тито на Бриони, а мојот настап беше дел од посебниот програм за кубанскиот претседател.
Но кабелот од микрофонот беше прекраток, па не можев многу да се движам. Морав да стојам сред сала и тука играв и пеев. Набргу потоа, Кастро го зеде столот на кој седеше и тргна кон мене, а со него и Тито, а потоа и сите останати во салата, раскажа своевремено познатата пејачка.
Кастро дојде до мене и неколку пати бараше да излезам на бис. Подоцна на коктелот, Тито неколку пати во шега рече „како тргна, ќе останеме без Уснија“…
Претседателот на Куба неколку пати ми кажа дека сум убава жена и дека би му била чест да бидам негова гостинка на Куба, изјави таа. Ми кажа Вашиот темперамент е магичен. Заради тоа се засрамив и одвај чекав да заврши настанот, кажа своевремено легендата на југословенската музика.
Популарната пејачка во 2015 ја изгуби битката од тешката болест, на 69 годишна возраст.
