Децата треба да одберат сопствени интереси, а не оние кои ќе им ги наметнат родителите

Дејвид Шварц, лиценциран семееен терапевт, напоменува дека наоѓањето работи за кои децата навистина се интересираат, може да биде од голема помош. Не е важно за какво хоби станува збор, под услов да не е опасен за детето и за другите.

Децата кои развиваат страст и иинтереси, во адолесценцијата имаат тенденција да се здружат со личности кои имаат слични интереси, па ќе им биде помалку досадно и помалку ќе експериментираат со дрога и алкохол.

Со оглед дека пандемијата предизвикана од Ковид19 поголемиот дел од времето децата ги држи изолирани од врсниците, досадата е можно да се појавува почесто. Затоа, за децата од особена важност е да најдат нешто што ги интересира.

На пример, ако детето има љубов кон спортот, тоа ќе следи свој тим, ќе гледа спорт на телевизија, ќе собира дресови или сликички… Важно е дека интересот за спорт ќе му го одзема времето, енергијата и страста.

Но, многу пати кога децата ќе ја пронајдат својата страст, возрасните не ги разбираат и не ја гледаат нивната вредност. Обидете се да не ги отфрлате желбите на вашето дете и да ја видите истата вредност како што ја гледа и вашето дете во одредени предмети или навики.

Кога децата ќе пронајдат нешто што навистина сакаат, тогаш се развива нивната страст

Имено, децата и тинејџерите сакаат да имаат нешто што е „нивно“. Нешто што возрасните можеби не го разбираат. Важно е да имаат сопствени соништа, идеи и иинтереси со кои може да се поистоветат во животот. И тука се развива нивната страст и мотивација.

Ако сакате децата да развиваат страст, дајте им слобода да ги обликуваат своите инререси. Ако вие не ги разбирате тие интереси, не е важно, важно е детето да ги разбере.

Една од најлошите работи кои возрасните може да ги направат е да ги посрамотат или да ги омаловажат децата поради нивните интереси. Многу од најразличните интереси кои децата ги сакале пред неколку децении, станаа некои од најважните и најпрофитабилните индустрии во светот.

Затоа, во интерес на секој родител е да му пружи слобода на своето дете и да го поттикне да ги пронајде своите интереси, страст и хоби.