ЗАБАВИ, ПОЛНИ КАФУЛИЊА, ЛУЃЕ БЕЗ МАСКИ: Видео кое ја враќа надежта- Ќе биде ли Израел прва земја која ја победи пандемијата?

Олеснувањето на мерките во Израел следеше кога се намали бројот на нови случаи на ковид 19, а повеќе од четири милиони луѓе ги примија и двете дози од вакцината Фајзер.

Tel Aviv, ça chante, ça danse!?? ?? pic.twitter.com/NVKOmzjMzo

— Framboise (@3Myriam1) March 15, 2021

Израелското Министерство за здравство размислува да ги укине мерките за носење маски на отворено.

Израелските власти имаат за цел да ги имунизираат сите возрасни, па дури и да нудат бесплатни пијалоци и оброци на своите граѓани кои сè уште се двоумат и не биле вакцинирани.

На Твитер се појави видео од кафуле во Тел Авив каде седат вакцинирани млади Израелци, пијат, разговараат и се забавуваат. Судејќи според коментарите, ова видео ги охрабри луѓето од различни делови на светот и им покажа дека за некое време сè ќе се врати во нормала.

Скоро сите ограничувања се укинати, а Израел полека, но сигурно е на чекор да го уништи вирусот корона. Тие веќе започнаа да организираат забави на улиците, децата повторно се смеат на игралиштата, а семејствата брзаа по плажите.

Бидејќи мнозинството постари лица ја примија вакцината, а милиони млади ја примија првата доза, довербата во вакцините во оваа земја расте.

Од вкупниот тестиран број жители, само 3 проценти се позитивни, болниците конечно се празни, а епидемиолозите се оптимисти, но сепак претпазливи.

Доколку се докаже дека вакцината е подеднакво ефикасна против новите видови на вирус, Израел би можел да биде првата земја што ќе ја победи пандемијата и ќе се врати на „стариот живот“.

Еден месец откако ја прими втората вакцина, Даниел покани 30-тина свои вакцинирани пријатели на забава без маска. Веќе со недели рестораните се преполни, а ноќните клубови и барови повторно се отворени. Маските сè уште се задолжителни во затворен простор, но жителите еден по еден полека ги отфрлаат, пишува ФТ.

– Ова е како бура по суша – вели Даниел Липшиќ (27) додека наздравуваше со пријателите за време на викендот во преполн бар.

Неговиот пријател Ноа вели дека дури и неговата баба направила забава.

Според сите докази Израел ќе биде првата земја во светот што ќе го победи вирусот корона и пример за тоа како можеме да живееме по пандемија. Сепак, некои мерки сè уште се на сила. Засега сè уште не е дозволено да се соберат повеќе од 20 лица во затворено, иако многумина ја кршат оваа мерка. Сега, единственото нешто што ги загрижува е враќањето на Израелците од странство.

Сепак, здравствените власти продолжуваат да предупредуваат дека Израел сè уште не е зона без заболени. Р факторот, светиот грал на епидемиолозите ширум светот, сè уште циркулира близу 1, а вирусот сè уште циркулира меѓу граѓаните кои сè во дилема дали да примат вакцина или не. За среќа, ги нема многу. Тие се претежно припадници на арапско-израелските заедници или ултраортодоксни Евреи, кои се во малцинство.

Владата сè уште се обидува да ги убеди оние кои не се сигурни во вакцината, нудејќи им шема „зелен пасош“, што генерира бар-код во телефонот за верификација. Доколку овој проект заживее, оние кои не примиле вакцина ќе се соочат со бројни ограничувања, како короната да е сè уште во полн ек.

– Можеби ќе се вакцинирам ако ми забранат да работам како диџеј во клуб затоа што немам зелен пасош – рече еден млад човек кој сè уште размислува за вакцините.

Life is back !!! #TelAviv pic.twitter.com/1NoPBwb3YF

— k valerie (@v_kalifa) March 7, 2021

Во меѓувреме, властите повеќе ја следат состојбата во болниците од бројот на заразени. Тие веруваат дека ако младите заболат од коронавирус, но немаат клиничка слика што бара хоспитализација, тоа е ситуација со која „може да се живее“.

Исто така, владата вети дека ќе може да се патува без карантин во иднина, што е примамливо за многумина, бидејќи на многу Израелци не им беше дозволено да се вратат дома во последните месеци. Од оваа недела, на 3.000 луѓе ќе им биде дозволено да се враќаат дневно, додека минатата недела само на 200 им беше дозволено да влезат во земјата.

Pfizer’s CEO said it clearly in interview yday w Israel’s Ch12: they picked #Israel to use as global model/test case for impact of vaccines on life w #COVID. This is what Israel’s reopening post-lockdown, post-vaccines looked & felt like this week. https://t.co/v2VFTpcrUP

— Neri Zilber (@NeriZilber) March 12, 2021

Владата планира наскоро да им дозволи на сите оние кои биле вакцинирани да патуваат без ограничувања, можеби дури и да го укинат карантинот по враќањето. Сепак, многу Израелци дури и не размислуваат за патувања сега, бидејќи во оваа земја сега е можно да се оди на забави и да се забавува како порано.