ЦЕЦА И БОГДАН ОДБЕЛЕЖУВААТ ГОДИШНИНА: „Многу ми е убаво, среќна сум и тој е среќен!

Фолк ѕвездата Светлана Цеца Ражнатовиќ не крие дека е емотивно исполнета и среќна откако е во врска со менаџерот Богдан Срејовиќ.

Двајцата за прв пат беа „фатени“ во јавноста на почетокот на оваа година и оттогаш привлекуваат големо внимание каде и да се појават и внимателно се следи секој нивни чекор, а многумина коментираат дека насмевката на пејачката кажува колку таа ужива во љубовта со Богдан.

Иако се шпекулираше дека врската ја започнале кон крајот на 2020 година, Цеца за „Телеграф џетсет“ открила дека на 18 декември ја одбележуваат годишнината од врската, но кажа и како ќе го прослават тој посебен ден.

– На 18 декември ни е годишнина. Секој ден за нас е како годишнина. Многу ми е убаво во врската, среќна сум и задоволна. И тој, а тоа е всушност најважното. Тој ден нема да ни значи ништо повеќе од сите овие други кои се зад нас – рече таа.

Да потсетиме, Цеца и Богдан заедно се појавија во јавноста на 13 јануари 2021 година, но уште тогаш се претпоставуваше дека љубовта започнала порано.

Нивното запознавање се случи на роденденот на пријателката на Цеца, а по неколкунеделното дружење започнаа романтична љубовна врска.

Богдан инаку е голем фан на Цеца а тоа може да се забележи и по тоа што ја придружува на нејзините концерти.

Покрај семејството, тој е нејзина голема поддршка.

Еве што изјави познатата пејачка во врска со тоа што Богдан присуствува на концертите…

„Јас сум професионалец кој трае 34 години. Не зависам од тоа дали пријателите ќе би бидат на концертот, партнерот, децата или семејството. Ова е моја работа и јас максимално сум посветена кога работам“.

„Ни еден фактор не може да влијае на тоа“, заклучи познатата пејачка.