Пејачот Дарко Лазиќ ќе стане татко по трет пат: Барбара е бремена?

Откако ја раскина веридбата со Марина, Дарко започна љубовна врска со Барбара Бобак.

Откако во медиумите излезе веста дека Барбара Бобак е бремена, се огласи и мајката на Дарко, Бранка Лазиќ.

Имено, како што пишуваат медиумите, Барбара има симптоми набременост, гадење и вртоглавица, а таа и Дарко се надеваат дека е бремена и посакуваат наскоро да добијат дете.

– Немам поим, првпат го слушам ова. Ништо не сум слушнала од нив, но не верувам, претпоставувам дека јас прво ќе знаев и тие ќе ми кажеа – изјави мајката на Дарко за Телеграф Џетсет.

– Дарко и Барбара не спомнаа ништо на таа тема, ниту порано зборуваа за планирање дете – додаде Бранка.

Дарко не одговори на повиците и не се огласи во врска со оваа тема.

Инаку, Дарко и Барбара се многу блиски, на почетокот ја криеја својата романса, но повеќе не се двоумат да покажат дека се сакаат и уживаат заедно, за што сведочат бројните слики и видеа на социјалните мрежи.

Да потсетиме, откако ја раскина веридбата со Марина Гагиќ, со која го има синот Алексеј, Лазиќ влезе во романса со Барбара. Покрај Алексеј, Дарко ја има и ќерката Лорена, која ја доби од бракот со пејачката Ана Севиќ.

Пред извесно време тој реши да се огласи и истакна дека всушност децата се најважното нешто за него.

Тој зборуваше за Ана Севиќ со која ја има ќерката Лорена и за Марина Гагиќ со која има син Алексеј, а во разговор за „Еспресо“ истакна дека неговото семејство е многу важно за него.

– Никогаш не би ги избегнал во животот, работам многу. Ана има свои обврски, Марина исто така, секогаш кога сум слободен го користам времето за да ги видам децата. Моето семејство е многу важно за мене, моите деца се мојата света крв – рече Дарко.

Во медиумите постојано се пишува за несогласувањата на поранешната на Дарко и Барбара кои постојано си упатуваат коментари една на друга.

Имено како што вели Барбара Бобак наводно Марина, поранешната на Дарко со која го има синот Алексеј е љубоморна на нивната врска.

– Кој по ѓаволите го боли повеќе за Марина? Зошто се меша во нашата врска кога воопшто не ја споменуваме и е тотално неважна за нас? Јас и Дарко уживаме, таа девојка е љубоморна на нас. Не обрнувам внимание на нејзините закани, таа ми е смешна. Секако, утре како сопруга на Дарко ќе бидам мајка на нејзиниот син, не знам што ја мачи? – истакна Бобак.

Имено капката што ја прелеа чашата беше кога Барбара изјави дека малиот Алексеј, синот на Марина и Дарко ја нарекува „мама“, поради што Гагиќ реши да ангажира адвокат и да се јави на суд.

– Марина полуде кога виде што зборува Барбара за неа. Не можеше да издржи, па му се јави на Дарко и му рече дека очекува да ја заштити како мајка на неговиот син и дека не смее да дозволи никој да ја прозива. Дарко и рече дека не знае за што се работи и дека дефинитивно ќе провери за што станува збор. Сепак, Барбара продолжи со провокации и тој не реагираше. Затоа Марина му испрати порака и рече дека го тужела и дека ќе реши сè за алиментација и старателство на суд. Таа доживеа нервен слом кога Барбара за медиумите изјави дека Алексеј ја вика мамо – вели изворот.