Добри вести за Македонците во Германија – работниците ќе добиваат повеќе пари!

Претставниците на политичките партии во Германија ги завршија разговорите, а како што соопштија пред два дена го финализираа договорот за владејачката коалиција.

Истовремено, се договорија и за низа промени, како општествени, политички и економски за кои ќе се залагаат во наредниот период, а кои ги засегаат и нашинците од дијаспората.

Најголемата најавена промена е покачувањето на платите. Станува збор конкретно за зголемување на минималната плата од 9,6 евра на час колку што е сега, на 12 евра на час. Тоа практично значи дека, на пример, градежен работник кој во моментов заработува во просек околу 2.650 евра месечно, би можел да заработи 662 евра повеќе или 3.312 евра, пишува Курир.рс.

Оние малку платените, како угостителските работници кои сега заработуваат во просек по 1.800 евра, во иднина би заработувале 2.250 евра.

Германското биро за статистика редовно објавува податоци за заработката.

Подолу можете да ги погледнете најновите достапни податоци за просечните плати по занимања со кои најчесто се занимава нашата дијаспора и нивното потенцијално зголемување со промените на минималната плата.

Градежни работници

Ѕидар 2.900 евра / според новите пресметки околу 3.625 евра

Столар 2.700 евра /  3.375 евра

Керамичар 2.660 евра / новиот износ би бил 3.325 евра

Молер 2.350 евра / според новото околу 2.930 евра

Здравствени работници

Медицинска сестра 2.600 евра / по ново 3.250 евра

Масажер 2.450 евра /  3.062 евра

Негувателка на стари лица 2.350 евра / според новите промени околу 2.937 евра

Физиотерапевт 2.070 евра / според новите промени 2.587 евра

Доктор 6.600 евра / по ново  8.250 евра

Индустрија

Менаџер за производство 4.500 евра / по ново 6.625 евра

Електричар 3.460 евра /  4.325 евра

Техничар за електроника 3.140 евра / според новите 3.925 евра

Заварувач 3.000 евра / според новите пресметки 3.750 евра

Работник во производство 2.500 евра / по ново 3.125 евра

Автомолар 2.560 евра / по ново 3.200 евра

Транспорт

Камионџија 2.400 евра / ново 3.000 евра

Возач на автобус 2.200 евра / ново 2.750 евра

Возач, доставувач на пратки 2.100 евра / според новите промени би земал околу 2.625 евра плата месечно.

Магационер 1.900 евра / по ново 2.375 евра

Угостителство и одржување

Помошници готвачи до 1.900 евра / по ново 2.375 евра

Келнери околу 1.800 евра / според новите пресметки 2.250 евра месечно

Слугинки, одржување околу 1.800 евра / по ново 2.250 евра

На Германија во моментот и се потребни околу 400.000 имигранти за да одржува постојан број вработени на пазарот на трудот, објави во вторникот Институтот за истражување на пазарот на трудот (ИАБ).

„Поради демографските промени, бројот на вработени постојано се намалува и покрај мерките како зголемена вклученост на жените на пазарот на труд и подоцна пензионирање. Бројот на вработени ќе падне од сегашните 47 на 44 милиони до 2035 година“, се вели во соопштението.

Најинтересно е што во оваа пресметка е опфатена и претпоставката во Германија годишно да има нови 100.000 вработувања на доселениците, што значи дека на германскиот пазар на трудот во следните неколку години ќе фалат повеќе милиони работни места што ќе треба да ги пополнат доселеници, за да се одржи бројот на вработени што го има во моментот.

По ова законско решение, на мигрантите им е многу полесно во Германија да најдат работа во професијата за која што се имаат школувано во својата родна земја.