Еве како за само 28 дена да го зајакнете имунитетот кај детето: Експеримент направен во градинка во Финска ги шокираше експертите, ова мора да го знаат сите родители!

Во една градинка во Финска бил спроведен експеримент од страна на наставничките кои решиле да направат мала верзија на шума во дворот на градинката.

Експериментот покажал дека е доволна една промена за значително подобрување на имунолошкиот систем на децата и тоа за само 28 дена!

„Тие, исто така, забележаа дека цревната флора на децата кои се занимавале со градинарство на овој начин е слична на цревната флора на децата кои одат во шума секој ден“, вели Марја Рослунд од Универзитетот во Хелсинки, која стои зад оваа објавена студија во 2020 година.

Имено, тие засадиле растенија како што се боровинки и поставиле специјални гајби во кои децата одгледувале различни растенија.

Разни микроби кои почнале да се појавуваат на кожата и во дигестивниот тракт на децата го подобриле нивниот систем за краток временски период, се вели во научниот заклучок од експериментот.

Во споредба со децата од другите градинки кои играле во стандардни дворови кои имаат многу бетонски патеки и плочки, децата од овие пошумени градинки имале подобрен имунолошки систем за краток временски период – се покажало дека имаат зголемено производство на Т-клетки и други важни компоненти за имунитетот, а промената во организмот на децата била почувствувана во рок од 28 дена.

Докажано е дека раното изложување на децата на природата е поврзано со добар и функционален имунолошки систем, тоа е докажано во претходен експеримент.

Иако науката сè уште нема одговор зошто е тоа така, идејата е дека изложувањето на децата на поразновидни микроби го зајакнува имунолошкиот систем на долг рок.

Постои и хипотеза која долго време кружи во научните и медицинските кругови, во која се вели дека губењето на биолошката разновидност што се случува во градовите носи добар дел од одговорноста за зголемениот број на автоимуни болести.

Децата кои играат со земја, на трева, растат меѓу дрвја и воопшто во шума, во природни услови имаат зголемен број на бактерии од родот гамапротеобактерии, а токму тие бактерии најверојатно го зајакнуваат имунолошкиот систем.

Во прилог на хипотезата дека децата кои не живеат во град се поздрави, говори и ова истражување кое вели дека децата од руралните средини генерално помалку страдаат од астма или алергии.

„Најдобро би било децата да си играат во вирови, сите да копаат во органска почва. Можеме да го подобриме имунолошкиот систем на децата ако ги носиме во природа пет пати неделно“, вели екологот Аки Синкконен, исто така од Универзитетот во Хелсинки.