Ме загледуваа на улица и коментираа за моите ќерки со Даунов Синдром: Искрена исповед на една мајка!

Кога имала 20 години Сара Прелевиќ од Подгорица ги родила близначките Ирма и Илда, девојчиња родени со Даунов синдром.

 

 

Дека мајчината љубов и истрајност е поголема од се докажува и нејзиниот пример.

Како самохрана мајка Сара успеа да ги сруши предрасудите и иако откако ги роди близначките се соочуваше со тежок период од животот сепак таа храбро се бореше за своите деца.

 

 

Сара вели дека на почетокот била срушена од веста дека родила девојчиња со Даунов синдром но денеска е пресреќна поради нив. Вели за неа тие се дар од бога, како и секое друго дете.

Таа посочи дека морала да се соочи и со негативни коментари од луѓето, но денес девојчињата имаат десет години и сите зборуваат за нив и сите ги обожаваат, и има сè помалку луѓе кои први ја забележуваат нивната состојба.

 

 

– Од самиот почеток тоа многу влијаеше на мене, бев многу помлада, некако беше многу тешко да се надмине сето тоа. Луѓето ве гледаат, па ви станува непријатно, па дури и кога ве исмеваат или зборуваат зад грб …

 

 

Сега не се борам, иако се помал е бројот на негативни коментари од луѓето рече Сара за Телеграф.рс.

Таа е мајката која успеа да ја развие свеста на луѓето дека сите деца заслужуваат да бидат среќни и сакани, без разлика колку се различни.

 

 

Сара се додека не го запозна Веско сама се грижеше за своите ќерќички, но денес таа е пресреќна и со него има уште една ќерќичка Ина која има две години, а искрената мајка велид ека воопшто не стравувала дали и таа ќе се роди со пречки во развојот, како и нејзините сестри.

– По тестот кој го направив и дознав дека сум бремена, си реков ќе уживам секој ден.

Медиумите во целиот регион ја нарекоа мајка кралица, лавица и се прашуваат како успева да се бори за своите деца.

 

 

– Јас секогаш велам дека многу мајки се борци и дека скоро секоја мајка се откажува од многу работи во животот со цел нејзиното дете да биде среќно. Јас не сум ништо посебно, го правам истото и гледам на моите деца како и секоја мајка – вели оваа скромна мајка.

 

 

 

Сара е многу активна и на Инстаграм, каде ја следат повеќе од 120.000 луѓе. Нејзиниот профил носи насмевка на лицето на секој што го посетува, бидејќи на нејзините фотографии има девојки кои се весели и среќни.