Македонката која го освои жирито на “Ѕвездите на Гранд” откри непознати детали за бракот со познатиот музичар: Мими Јовановска искрено за Филип- Тој ми е најголема поддршка

Пејачката Мими Јовановска која што се прослави во „Ѕвездите на Гранд“ каде никого не остави рамнодушен со својот талент, во јули оваа година се заколнаа на вечна љубов и се омажи за трубачот Филип Нуне.

Младите музичари решија својата врска да ја крунисаат со брак, а на нивната свадба покрај семејствата и пријателите присуствуваа и голем број колеги од естрадата.

Тие најпрво се венчаа во една од најубавите цркви во Скопје, Свети Димитрија, во близина на Камениот мост, а потоа свадбената веселба ја продолжија во еден од најлуксузните ресторани во Скопје.

Мими и Филип за првиот танц избраа нивна песна, а овој емотивен момент никого не остави рамнодушен.

Мими на венчавката блескаше во преубавата венчаница со длабоко деколте во „ве“ израз, а на главата носеше вел.

Дека се среќни и заљубени покажуваат и многубројните фотографии кои пејачката ги споделува на својот Инстаграм профил.

Во интервју за Женски магазин, Мими откри дека денот и почнува и завршува со својот сопруг.

Истакна дека наутро заедно го пијат првото кафе, потоа заедно појадуваат и се подготвуваат за работните обврски.

-Мотивација ми е љубов во секаков облик… Љубов кон партнерот, кон моите најблиски и секако најголем двигател – Љубов кон моја работа. Моите дневни планови и обврски се главно поврзани со работа. Доколку не сум на некој настап работам во студио на нови проекти. И кога немам обврски сама ги наогам. Сакам секој ден да ми е квалитетно исполнет, рече Мими за Женски Магазин.

Мими посочи дека слободното време го користи за гледање добар филм.

Она што можеби малкумина го знаат е тоа дека во „Ѕвездите на Гранд“ ја пријавила нејзината мајка.

Младата пејачка истакна дека нејзиното семејство е нејзина најголема поддршка во кариерата.

Талентот за музика го наследила од нејзината мајка, која исто така има талент за пеење.

Освен најблиското семејство, голема поддршка на пејачката во кариерата ѝ е нејзиниот сопруг Филип.

„Секогаш ми е поддршка, ми укажува на моите грешки при настапот и се труди да ме мотивира“, изјави таа во една прилика за медиумите.