Ана Кораќ конечно го покажа партнерот: Еве кој е таткото и човекот кој го украде срцето на една од најпознатите старлети- оваа фотографија ќе ве разнежни

Старлетата Ана Кораќ се прослави со учеството во реалити шоуто „Задруга“ и за кратко време ги освои срцата на многумина.

Имено Кораќ неодамна се породи и на свет донесе здраво машко бебе. Породувањето помина без проблеми, а по излегувањето од породилиштето, мајката целосно се посвети на бебето а деновите ги поминуваат во топлината на својот дом, каде партнерот на Ана Кораќ им дава неизмерна љубов.

Иако Ана го држи партнерот подалеку од очите а јавноста и само нејзините блиски пријатели знаат кој е таткото на нејзиното бебе сепак сега гордата мама не одолеа, па со следбениците на Инстаграм сподели сцена од таткото и синот која ќе ги стопи и најтврдите срца.

– Супер тато, семејно време – кратко напиша Кораќ во описот на фотографијата.

За потсетување, партнерот на Ана Кораќ е богат бизнисмен кој не сака јавно да се експонира. Старлетата во неколку наврати изјавила дека не и пречи што нејзиниот сакан бега од објективот и дека ја почитува неговата желба да остане анонимен.

– Партнерот на Ана Кораќ живее во голема семејна куќа во Обреновац… Работи во државен сектор, но неговото семејство има разработен бизнис и се бизнисмени, па на Ана ништо нема да и недостига – вели добро упатен извор за тамошните медиуми.

– Тие двајца се толку многу заљубени што не е нормално, но бидејќи тој не сака да се експонира. Таа се согласила на се бидејќи е заљубена и сака да живее во мир и луксуз на релација Обреновац – Ивањица каде живее нејзината мајка. Нејзината најголема желба беше да роди бебе, тоа и се исполни и сега не ја интересира ништо друго освен да го задоволи својот емотивен партнер, истакна извор близок до старлетата, пренесува Папарацо.рс.

Да потсетиме, Кораќ вложи многу пари во својот изглед, кој драстично го промени од почетокот на својата кариера.

Познато е дека вградила силикони во градите и задникот, а освен тоа направила корекција на усните и носот.

За да го задржи својот изглед, старлетата мора редовно да прави дополнителни интервенции кои чинат 5.000 евра.

„Мојата операција беше кога имав 20-21 година. Три пати ги правев градите, го криев тоа од мајка ми, таа е домаќинка. Таа е вистинска семејна жена и тоа за неа е ненормално и неприфатливо. Му кажав на татко ми за операцијата, кога мајка ми дојде и виде што направив, никако не можеше да прифати“, изјави тогаш Ана за „Курир“.

Старлетата своето тело го препуштила во рацете на познатиот турски хирург пластичар Селкука Јазан, кој и го препорача нејзината најдобра пријателка, Сораја Вучелиќ.

„Ана постојано наоѓа некои мани на себе, па повторно ги коригираше очите и носот. Нејзина голема желба и е да изгледа како барбика, и таа нема да се откаже, се додека не дојде до посакуваниот ефект“, изјави во една прилика за порталот „Информер“ извор близок до старлетата.

Според овој извор, а како што пренесува порталот, Кораќ во Истанбул направила уште една корекција на очите, како би ги закосила и би го добила таканаречениот ефект „мачкини очи“. Докторот Јазан е еден од најпознатите „пластичари“ во Турција, а Кораќ неодамна стана заштитно лице за неговата клиника, па затоа последните зафати не ги ни плати.

„Сакам да му се заблагодарам на најдобриот доктор на светот што токму мене ме избра да бидам заштитно лице на најдобрата и најпрестижната клиника во Турција и ширум светот. Ви благодарам на укажаната доверба“, напиша тогаш Ана Кораќ на својот Инстаграм.