Aферата со Душко Тошиќ им донесе крај: Познатиот пејач си ја отвори душата- откри се за врската на поранешната сопруга со фудбалерот

Публиката го памети пејачот Пеџа Јовановиќ како дел од дуото Близнаци, кога направија вистински бум. Откако се ожени и основа семејство јавноста немаше можност многу да дознае за приватниот живот на пејачот, но сега тој повторно се врати на музичката сцена а колку е посветен на работата говори и фактот  што претходната година Пеџа Јовановиќ повеќе од успешно ја заврши со три големи концерти.

Неговата кариера е во нагорна линија, а приватниот живот интригира многумина.

Како гостин во специјалната емисија „Исповед на Пеџа Јовановиќ“, пејачот кој пред извесно време се разведе од сопругата Ана Јовановиќ, која медиумите своевремено ја поврзуваа со Душко Тошиќ, ја отвори душата и раскажа како дошло до колапс на љубовта за која верувал дека е за цел живот.

– Не сакам многу да зборувам за мојот приватен живот, но што се однесува до емотивниот план, можам да кажам дека сум среќен – вели Пеџа Јовановиќ и открива дали останал во контакт со поранешната сопруга:

– Со Ана разговарам секој ден. Таа е одлична личност.. Во целата приказна, нашата разделба е по моја вина. Во периодот кога тотално го изгубив компасот, пиев премногу и таа веќе не издржа и не треба да издржи. Никој не треба да го трпи тоа. Значи причината што се разведовме беше тоа што бев неподнослив – тврди пејачот.

За наводната афера на Ана Јовановиќ и фудбалерот Душко Тошиќ на големо се зборуваше и пишуваше, а Пеџа тврди дека трето лице не било вмешано во врската со поранешната сопруга.

-Се разведовме, таа жена има право да го живее својот живот. До ден денес ја поддржувам во се. Што се однесува до таа тема, ни сега не сакам да коментирам, можам само да кажам дека се е во најдобар ред и дека тоа се невистини.

По пропаѓањето на љубовта, Пеџа Јовановиќ сфатил дека е крајно време да го промени животот и да ја искористи новата шанса што му се појавила, а се однесува на неговата кариера.

– Господ ми даде шанса да направам нешто сега и нема простор за несериозност. Сакам да бидам попрофесионален на работа, да бидам подобар родител и да го живеам животот како што треба – заклучил тој.

Инаку и разводот на Душко Тошиќ и Јелена Карлеуша се уште е тема број еден во медиумите. Пејачката во неколку наврати истакна дека не се работи за трето лице во нивната врска но сепак медиумите не престануваат да го поврзуваат Душко со атрактивни девојки, меѓу кои беше и поранешната на Пеџа.