Вистинскиот маж се грижи за бебето додека мајката се одмора

Мајчинската љубов е незаменлива, но, понекогаш мајката е толку уморна при што чувствува дека ѝ се потребни денови и денови одмор.

Домаќинските обврски и обврските околу бебето навистина знаат многу да ја исцрпат енергијата. Иако нема нешто поубаво на светот од среќно и разиграно бебе, сепак, понекогаш на мајката ѝ е потребно време за себе, за да ги наполни батериите и утре пак да може да стане и да работи од утро до мрак.

А детето има два родители: И мајка и татко. Вистинскиот маж знае како да ја направи срќена својата жена и никогаш не ѝ ги препушта сите обврски нејзе. Тој ѝ дозволува да земе здив и да се одмори, зашто го познава теретот кој доаѓа со новиот начин на живот.

Давањето на мајката малку слободно време после доењето, пресоблекувањето на бебето и неговото нишкање може да биде од огромна помош за психичката состојба на жената. Бидете среќни ако покрај себе имате партнер кој е покрај вас, кој не ги наоѓа вашите мани, туку ја величи вашата големина, ви помага и се грижи за семејството.

Всушност, тоа не е помагање, зашто обврските треба подеднакво да припаѓаат и на двајцата сопружници.

Да се биде добар сопруг не значи да се носи дома пари и притоа да се смета дека тоа е столбот на животот. Да се биде добар сопруг значи давање грижа, имање разбирање, пружење внимание и многу, многу љубов!