Џејла се фрли во прегратките на Марија Шерифовиќ- пејачките фотографирани насмеани и среќни (ФОТО)

Уште кога објавија неколку заеднички фотографии на почетокот на кариерата на Џејла Рамовиќ, таа и нејзината менторка Марија Шерифовиќ беа поврзувани во различни контексти.

Нема сомнеж дека тие две се исклучително блиски а јавноста сака да знае што точно се случува меѓу нив.

Имаше написи дека тие двете се во емотивна врска но таквите гласини и двете ги демантираа.

Џејла Рамовиќ откако се појави на сцената на „Ѕвездите на Гранд“ ги освои срцата на многумина со вокалот, убавината и скромноста, но и влезе под кожа и на нејзината тогашна менторка Марија Шерифовиќ, со чија помош победи на споменатиот натпревар.

Времето кое го поминуваа заедно подготвувајќи се за секоја наредна емисија предизвикуваше голема почит и роди прекрасно пријателство како што тврдат тие самите.

Врската меѓу Марија Шерифовиќ и Џејла Рамовиќ очигледно воопшто не е нарушена од озборувања а тоа го потврдија и со последната нивна средба а според најновите фотографии може да се заклучи дека не се ни блиску до емотивна врска.

Бидејќи некогашната победничка на „Ѕвездите на Гранд“ накратко се повлече од јавноста поради обврските на факултетот, приказните малку стивнаа.

Џејла се преселила во Барселона, каде што посетува престижен универзитет и секогаш кога обврските и дозволуваат, таа лета за Босна или Србија, што беше случај и сега.

Имено, младата музичка ѕвезда го искористи своето доаѓање во Белград за да го промовира својот нов сингл „Спарта“ во шоуто кое ја искачи на врвот а тука се сретна со нејзината поранешна менторка Марија.

– Марија го виде новиот спот и прва ја слушна песната. Кога рече дека ова е одлично, сите бевме среќни и тоа е тоа. Добивме амин од неа – изјави неодамна Џејла, која исклучително многу го почитува мислењето на Марија, а и по шпекулациите во весниците не се двоуми да побара добар совет од неа.