Хулахопките и донесоа одлична заработка: Американците и нудат на Брена вртоглава сума пари- сакаат да влезат во бизнис со неа!

Лепа Брена има причина да биде презадоволна од бизнисот кој го започна пред неколку месеци.

Нејзините хулахопки го освојуваат светот, па сега пејачката преговора за почеток на дистрибуцијата во странство, дознава Курир.

Според извор близок на пејачката, Брена добила понуда од американска компанија, која исто така произведува и продава хулахопки, да го дистрибуира својот бренд во САД. Се разбира, тие нудат огромни пари за тоа. Наводно, за првиот договор кој би важел една сезона (есен и зима) се подготвени да платат половина милион долари.

– Брена работи со полна пареа. Нејзе и се допаѓа бизнисот со хулахопки, а понуди пристигнуваат од сите страни. Таа привлече одлични партнери. Сега и се отвора патот до американскиот пазар, каде што, инаку, со години има куќа. Пејачката никогаш не била толку продуктивна како сега, а овој деловен проект само дополнително ја мотивираше. Вклучено е целото семејство, а во преговорите со други фирми ќе и помага сопругот Боба Живојиновиќ – вели изворот.

Според него, особено ја воодушевила сумата што ја добила за нејзиниот бренд, која е само на почеток:

– Сите знаеме дека е штедлива и се грижи за секој динар. Сумата што ја добила како понуда за соработка е феноменална и повеќе од очекувана. Мислам дека нема да се двоумат и дека наскоро ќе биде потпишан договор за соработка и дистрибуција. Таа има големи планови, сака да изгради фабрика, но повеќе за тоа подоцна. Сега Брена се концентрира на нашиот и на американскиот пазар и верувам дека ќе заврши на обострано задоволство – вели блиска пријателка на Брена која добро ги познава семејните и деловните односи.

Интересно е и тоа што светски познатата пејачка Карди Б како дел од својата приказна на Инстаграм сподели фотографија на која пејачката позира со чорапи:

-Јас сум Карди Б, а оваа дама е Лејди Б, има одлични чорапи, а само да и ги видите нозете – вели пејачката во видеото.

Да потсетиме, пејачката пред една недела го прослави нејзиниот 62-ри роденден.

Таа истакна дека не ги сака своите родендени бидејќи е свесна за минувањето на времето.

-Ако некој е реален и свесен за поминувањето на времето, како мене, ќе ужива во се. Имам причина да уживам, бидејќи сум свесна за се што сум постигнала и имам прекрасно семејство. Сè уште размислувам реално и рационално за животот и уживам во постигнувањата и целите што си ги поставив.

Среќна сум кога моите деца ги реализираат своите цели и кога сè оди по својот нормален тек. Среќна сум кога Боба и јас имаме свои планови. Работам, а потоа има и причина да се радувам на годишниот одмор. Инаку, јас не сум љубител на сопствените родендени, повеќе сакам туѓи и детски родендени. Единственото место каде што сакам да бидам во центарот на вниманието се моите концерти, се друго ми е премногу. Затоа сакам моите прослави да бидат што е можно помирни, без помпа и лудило. Не ми треба повеќе. Затоа овој роденден го славам со Боба со убав ручек и фантастично вино. Добро ми стојат годините, среќна сум – изјави Брена за Story.