ФАНОВИТЕ ПРЕСРЕЌНИ: На повидок е помирување?! Јована и Сале Тропико повторно заедно- еве каде уживаа со ќерките!

Пејачите Јована Пајиќ и Александар Цветковиќ-Сале, фронтменот на групата „Тропико Бенд“, минатата година открија дека се разведуваат и со тоа ги шокираа фановите.

Тие двајца тогаш истакнале дека спогодбено раскинале и дека останале во добри односи, најмногу поради воспитувањето на нивните две ќерки Хелена и Џина.

Фановите разочарани од ваквата одлука се надеваа дека сепак не е конечна, и дека ќе има помирување.

Парот, за кој се веруваше дека е хармоничен и дека ништо не може да им го наруши мирот, по 10 години брак решија да се разведат, а пејачката дури и се исели од семејниот стан со ќерките Хелена и Џина, со што ја згасна и последната надеж за помирување.

Оттогаш само еднаш се видени заедно во јавност, кога девојчињата го славеа роденденот, а сега одлучија викендот да го поминат заедно, како семејство.

Но викендов Јована и Сале побегнале од градската гужва со ќерките во село, а се фрлиле и за работа и извршувале земјоделски активности.

Така пејачот седна зад воланот на тракторот, возејќи го остатокот од семејството во приколката, додека Јована го грабнала сеното каде што покажала колку е силна.

Двајцата цело време беа насмеани, што сведочи за тоа дека денот го поминале во добро расположение.

Дали поранешната двојка сепак решила да ги закопа воените секири и да се смират и покрај сите несогласувања останува да видиме.

Да потсетиме, Јована и Александар решија да стават крај на љубовта по 10 години брак, за што ја информираа јавноста во декември 2021 година.

– Точно е дека јас и Саша донесовме одлука да го прекинеме нашиот брак. Ќе останеме пријатели и ќе бидеме, како и досега, посветени на заедничкото одгледување на децата. Разводот е во тек и поради мирното воспитување на нашите девојчиња барам медиумите да ни ја овозможат потребната приватност – изјави тогаш Пајиќ.

Јована исто така неодамна беше фотографирана на настапот на нејзиниот поранешен сопруг Сале Тропико со децата, а потоа откри во каква врска се по разводот.

– Од актерите на таа приказна излегува сè што лошо излегува, а таму најмногу трпат децата. Мора да бидеме во добри односи поради децата, бидејќи секој родител треба да ги стави интересите на децата на прво место. Не знам зошто на луѓето им е чудно, цивилизирано се разделивме, секако дека ќе одам на концертот на нивниот татко со моите деца – додава Пајиќ.

– Децата знаат сè, не можете да ги лажете, мислите дека можете да ги лажете, а тие всушност знаат сè. Тие се задоволни и тоа ми е најважно. Мислев дека ќе им треба повеќе време да го надминат тоа, но тие беа брзи. Кога мама и тато се среќни, и децата среќни – заврши Јована Пајиќ во емисијата „Премиера-викенд специјал“.

Инаку се уште не се знае точната причина за нивната разделба. Иако многу се шпекулираше, парот реши пред јавноста да каже онолку колку што сметаат дека треба а тоа е дека се разделиле мирно и дека се во добри односи.