Дом и семејство
УШТЕ ЕДЕН УСПЕХ ЗА НИВ: Се сеќавате на девојките со Даунов синдром, Илда и Ирма- тие се први во регионот кои се појавуваат во музичко видео на Лана Вукчевиќ!
Го освоија регионот со својата посебност...
Сара Беро е една од најпознатите регионални инфлуенсерки, која заедно со ќерките Илда и Ирма испраќа важна порака до сите нејзини придружнички.
Пресимпатичните девојки со Даунов синдром ја освоија наклонетоста на публиката со својот позитивен став и дух. Ирма и Илда сега се појавија во спотот за песната на Лана Вукчевиќ.
Девојките воедно се првите во регионот кои се вклучија во ваков проект. Сара Беро јавно се заблагодари на Лана и испрати важна порака до сите.
-Лана е прва личност во регионот која ангажираше лица со Даунов синдром да се појават во еден спот, овој пат наместо професионални манекенки и професионални актерки во спотот се моите косооки лепотици. Сметам дека многу познати личности треба да се угледаат на примерот на Лана да им дадат на другите можност да го покажат тоа што се, онака посебно на свој начин. На Лана и на целата екипа им се заблагодарувам што им го разубавеа денот на моите девојчиња.
Ова е уште еден голем успех за нас. Морам да ви кажам дека песната е многу емотивна и со нетрпение ја очекувам. Многу сум горда на Илда и Ирма напиша Сара.
Сара Беро е една од најпопуларните личности на Инстаграм во регионот, а за нејзината популарност, меѓу другото, придонесоа и трите преслатки ќерки Ирма, Илда и Ина.
Таа е мајката која успеа да ја развие свеста на луѓето дека сите деца заслужуваат да бидат среќни и сакани, без разлика колку се различни.
На само 20 години Сара Прелевиќ од Подгорица ги родила близначките Ирма и Илда, девојчиња родени со Даунов синдром и од тогаш го носи ептитетот мајка на храброста.
Како самохрана мајка Сара успеа да ги сруши предрасудите и иако откако ги роди близначките се соочуваше со тежок период од животот сепак таа храбро се бореше за своите деца.
Сара, е позната и по тоа што јавно зборува за Даунов синдром со кој се родени нејзините поголеми ќерки, а направи многу и кога станува збор за подигање на свеста за лицата со попреченост.
Таа неодамна во описот на фотографиите остави емотивна порака:
– Имам 33 години и до сега многу пати го започнував животот од почеток. Го почнував сама, а некогаш и со некој друг, на крајот повторно останував сама бидејќи не успевав да функционирам во пар. Ме кршеа, животот ме скрши, не неколку пати, туку милион пати до сега. Зборуваа за мене во главно оние кои најмалку ме познаваа, зборуваа тоа што тие сакаа да го слушнат или што сакаа да бидам. Никогаш не се откажав, ама баш никогаш и тогаш кога шансите беа минимални за било што да се случи во позитивна смисла јас опстанав. И еве на Инстаграм повторно идеме од почеток, И одиме понатаму се до медаља.
За храбрата мајка може да се слушнат само пофални зборови, а таа е повеќе од горда на своите ќерки. Таа во описот на една фотографија изјавила дека не постојат зборови со кои може да се опише љубовта што ја има кон нејзините ќерки.
Во една прилика Сара откри дека свекрвата ја советувала да ги даде близначките на посвојување.
Имено првата пречка која морала да ја помине била нејзината свекрва која ја советувала да ги остави девојчињата на посвојување.Кога се родија Ирма и Илда, свекрвата ми рече: ‘Остави ги во породилното!’ И реков дека тоа се нејзините внуци, створени од нејзиниот син, нејзина крв, тие ми рекоа дека децата со Даунов синдром не се способни за живот, дека нема да одат, да зборуваат … Не ми кажаа дека ќе можат лудо да ме сакаат, гушкаат ме и луѓето “.
Сара ги роди близначките кога имаше 20 години и признава дека кога дознала дека се поинакви од останатите бебиња не била баш најсреќната мајка.
– Јас ги родив Ирма и Илда на 20 години и ми рекоа дека девојчињата имаат Даунов синдром. Поради зборовите на лекарот и околината, тогаш не бев задоволна со моите девојки. Потоа ме советуваа дека моите ќерки треба да одат дома или во спротивно ќе завршам во психијатрија. Никогаш не помислував да ги напуштам. Денес, ниту јас завршив во лудница, ниту тие завршија во дом – гордо вели Прелевиќ, која ја има поддршката од целиот регион.
Таа призна дека во тоа време не знаела ништо за Дауновиот синдром, но дека нејзиното семејство многу и помогнало во првите години по раѓањето на нејзините ќерки.
Кога дојде време за градинка, Сара беше подготвена за ново ниво на посветеност. Ништо не и беше тешко. Навикната е да се бори и да се грижи за себе. Таа гордо истакнува дека работи уште од деветгодишна возраст, кога продавала бурек во пекарницата на нејзиниот татко.
Колку е тешко, родителите кои се во иста ситуација како Сара, најдобро знаат.
Илма и Илда се баш како и нивната мајка борбени и силни девојки. Денес посетуваат редовно училиште, по што одат на дефктолошки третмани во специјално училиште. На пет години Илда се прошета на Модната недела во Црна Гора и стана првата мала манекенка со Даунов синдром на овие простори.
Ниту мајката Сара, ниту тие не дозволија болеста да ги обликува нивните животи, но ја презедоа контролата над проблемите.
Како самохрана мајка Сара успеа да ги сруши предрасудите и иако откако ги роди близначките се соочуваше со тежок период од животот сепак таа храбро се бореше за своите деца.
Таа посочи дека морала да се соочи и со негативни коментари од луѓето, но денес девојчињата имаат десет години и сите зборуваат за нив и сите ги обожаваат, и има сè помалку луѓе кои први ја забележуваат нивната состојба.
– Од самиот почеток тоа многу влијаеше на мене, бев многу помлада, некако беше многу тешко да се надмине сето тоа. Луѓето ве гледаат, па ви станува непријатно, па дури и кога ве исмеваат или зборуваат зад грб …
– Јас би им препорачала на родителите кои имаат деца со посебни потреби да бидат горди на нив, да ги сакаат, да се грижат за нив и да ги галат, бидејќи не е нивна вина што се родени на тој начин. Да ги социјализираме што е можно повеќе, со тоа што ќе ги вклучиме во што повеќе активности – вели Сара, која минатата година стана и мајка на уште едно девојче Ина.
Медиумите во целиот регион ја нарекоа мајка кралица, лавица и се прашуваат како успева да се бори за своите деца.
– Јас секогаш велам дека многу мајки се борци и дека скоро секоја мајка се откажува од многу работи во животот со цел нејзиното дете да биде среќно. Јас не сум ништо посебно, го правам истото и гледам на моите деца како и секоја мајка – вели оваа скромна мајка.
