РАСКОЛ ВО СЕМЕЈСТВОТО: Вики Миљковиќ и нејзиниот сопруг минаа низ ГОЛГОТА поради нивните родители

Виолета Вики Миљковиќ и нејзиниот сопруг Драган Ташковиќ Ташко се во идиличен брак речиси три децении. Тие важат за еден од најхармоничните парови на естрадата, но на почетокот не беше се така идеално.

Тие се запознале преку заеднички пријатели, а за прв пат се бакнале на 18 март 1994 година.

Родителите на пејачката, Зорка и Светомир, штом слушнале дека Вики се заљубила во Ташко, инсистирале да ја прекине врската и повеќе да нема никаков контакт со него.

– Потекнувам од строго семејство кое не сакаше да ја продолжам врската со Ташко, а притоа родителите на мојот сопруг со своите ставови само ја влошија ситуацијата. Иако бевме млади, тој имаше 22, а јас неполни 19, решивме да се венчаме – изјавила еднаш пејачката и додала дека тензијата траела неколку месеци.

– Морам да признаам дека расколот траеше долго, но преживеавме благодарение на силата на нашата љубов. Дури по долго време односите меѓу нашите семејства се подобрија – рече таа.

Кумовите на пејачката беа нејзините пријателки и колешки – Светлана Цеца Ражнатовиќ и Сања Ѓорѓевиќ.

Свадбената веселба на која присуствуваа неколку стотици гости се одржа на еден брод. Во октомври истата година стигна веста дека пејачката го родила синот Андреј, кој дефинитивно е круна на нивната љубов.

За потсетување, Ташко ја има ќерката Јелена од првиот брак, која со години живее во Германија, каде минатата година основа и свое семејство.

Како што на неколку наврати изјавил нејзиниот татко за медиумите, со семејството во Германија, неговата гордост која по професија е економист, отворила етно ресторан, во кој се служат српски специјалитети.

Ташко откри и дека Вики му била поддршка, кога ја советувал и упатил Јелена да ги заврши студиите:

– Јелена уште од детството покажа дека е талентиран музичар, свиреше на хармоника и пијано, но реши да оди на Економски факултет. Желбата моја и на Виолета беше да го заврши факултетот и многу сум среќен што не послуша – изјави тој за медиумите.

Иако подолго време живее во странство, Јелена често ги посетува татко и и брат, а со маќеата Вики има прекрасен однос. За нив две „животот со маќеа не е лесен“ е само клише, а Вики никогаш не криела дека ќерката на Драган Ташковиќ, и е најголема помош кога станува збор за образованието на синот Андреј.
Вики никогаш не се двоумела да каже дека Јелена за неа е посебна:

– Јелена е прекрасна личност, полна со самодоверба, успешна и исклучително љубезна и драга – истакна во една прилика.