Први фотографии по породувањето: Најубавиот турски пар го покажа бебето- имаа голем повод за славење

Бурак Озчивит важи за еден од најубавите турски актери кој публиката го запозна по улогата на Бали Бег во серијата „Сулејман Величествениот“.

Бурак долги години е во брак со убавата турска актерка Фахрије Евџен, а заедно го имаат синот Каран а од неодамна станаа родители и на уште едно момче кое го крстија Керем.

Фахрије пред неколку месеци роди здраво момче, а оттогаш не се појавува во јавноста се до пред неколку дена.

Јавноста имаше можност да ја види убавата актерка заедно со бебенцето, на роденденот на постариот син кој го прослави својот 4-ти роденден.

Тие му приредија убава прослава, а особено внимание привлече Фахрије со бебето.

Каран за својот роденден доби голема торта со Спајдермен, а целото семејство позираше со црвени балони.

Фахрије пред извесно време по повод нејзиниот роденден доби големо изненадување од сопругот. Иако роденденот е дури во јули, турскиот актер Бурак Озчивит одлучил порано да ја израдува својата сопруга со роденденски подарок и тоа не било каков, туку подарок кој би го посакала секоја жена.

Како што пишува CNN Türk, Бурак Озчивит решил на својата сопруга да и купи роденденски подарок по раѓањето на нивното второ дете, а изборот паднал на бел автомобил Range Rover. Покрај тоа, Фахрије добила и таблички со нејзините иницијали – 34 FE.

Според медиумите, станува збор за најновиот модел на ова возило, кој е омилен автомобил на Бали бег, па тој со години го вози овој автомобил но во црна боја. Откако долго време ги имаше неговите иницијали на таблиците, во 2016 година реши да стави 34 FR на новите таблички, во чест на неговата сопруга Фахрије.