“Ме исмејуваа дека живеам на нива”: Сека Алексиќ прозборе за тешкиот период и мајчинство, еве во што најмногу УЖИВА

Сека Алексиќ можеби е единствената од естрадата која наместо да биде во центарот на Белград и да живее во луксузна вила на Дедиње одбра да изгради своја оаза на мирот во Стара Пазова.

Пејачката за прв пат реши да прозбори и откри дека многу нејзини колеги ја критикувале за ваквата одлука.

Таа во последното интервју кое го даде за српските медиуми вели дека била изненадена од реакцијата на некои тогашни популарни личности кога јавно кажала дека се сели во Стара Пазова и гради куќа.

– Луѓето од естрадата ме исмејуваа и велеа дека живеам на нива. На социјалните мрежи пишуваа многу грди работи и ми коментираа зад грб. Не реагирав. Не ни чувствував потреба, направив што сакав и чекав време да ги демантирам. Избрав да живеам на село, не сакам гужви и град, туку природа и затоа ничии коментари не ме допреа. Сега, кога се случи пандемијата на корона вирусот, сите плачеа за таква нива, каде што можеа само да стават стол и да избегаат од оковите на градскиот бетон, вели Сека и додава:

– Кога ќе се вратат уморни од патувањето, каде смениле којзнае колку хотелски соби и авиони, секој од нив пиел утринско кафе со мене со чврчорење на птици и стапала во росна трева. Нема пари што можат да го купат тоа. Сега уживам во малите нешта кои ја хранат мојата душа и го радуваат моето семејство. Најдобрата одлука што сум ја донела во животот е мојот дом да биде изолиран од градската гужва и опкружен со природа и чист воздух истакна пејачката.

Да потсетиме, Сека неодамна најави дека во септември се повлекува од јавниот живот за по трет пат да се подложи на процесот на ин витро оплодување, но засега се откажа од плановите да стане мајка по трет пат.

Како што самата откри, работата и се натрупала, закажани се концерти, а планиран е и голем концерт во Белград.

-Многу ми се нарушија плановите за работа, работам повеќе од планираното и потоа наидовме на таков процес за концертот во Белград што е планиран за следната година. Затоа оставам бременоста да се случи спонтано – открила Сека за таблоидот „Стар“.

Во спротивно, за да започне ИВФ, неопходен е мир и не би требало да настапува. Синот Јаков тргнува во предучилишна возраст, па Сека се грижи како ќе остане таму сам и се плаши како тоа ќе го прифати. Згора на се, таа има понуда од нејзиниот менаџер следната година да го организира нејзиниот голем концерт во Белград и затоа нема време да оди на честите контроли и прегледи кои ги бара ин витро оплодувањето.

Првото дете Јаков го роди во септември 2016 година, а четири години подоцна, поточно во јануари 2020 година, го роди вториот син Јован.

Сека во неколку наврати истакна дека мајчинството е најубавото нешто што една жена може да го доживее, а како што рече, би сакала да добие ќерка со сопругот Вељко Пиљикиќ.

Нејзиниот постар син избрал име за сестричката а тоа е Софија.

– Сите грешки што ги правиме како родители со првото дете, ги исправаме со второто, третото, четвртото и петтото. Се надевам дека ќе бидат пет. Се надевам. Во септември планирам повторно да одам на вонтелесно оплодување. Што и да биде, Господ да даде само здравје – изјави пејачката.

– Замислете да родам близнаци. Колку и да даде Господ, јас сум задоволна. Макар и да не забременам повторно јас сум среќна и задоволна. Како мајка го постигнав тоа што го посакував долго време – истакна пејачката.

Во продолжение Бонус галерија од луксузниот дом на пејачката: