Луна и Марко започнуваат сериозен бизнис: Вложија 30.000 евра, повеќе нема да заработуваат од реални шоуа и социјални мрежи

Марко Миљковиќ и Луна Џогани купиле парцела во селото Мраморак и таму планираат да изградат мало етно село за одмор.

Миљковиќ сега решил на Гаги Џогани да му го покаже имотот што го купиле во банатското село Мраморак, но и да провери како напредуваат работите на нивната викендица.

– Ќе имаме голема детска соба, две спални малку подалеку од улицата, има многу работа – почна да му објаснува Марко на Гаги, па продолжи:- Плацот е голем, планираме да изградиме и базен. Плацот има 17 ари, колку фудбалско игралиште.

– Ќе имаме и голема бања, а дневната ќе биде спална, а ќе има и кујна. Дневната соба е со големина на стан. Планот е во него да се изгради камин. Во дворот ќе направам капија што се отвора на копче.

Марко посочува и дека планира да го искористи делот пред куќата и да направи детско игралиште.
– Ќе ставам тобогани, лизгалки… А имаме и бунар, водата може да се пие.

Двајцата, покрај уживањето и опуштањето во природа, наводно решиле да изградат спа центар и базен а планираат викендицата да ја изнајмуваат.

Како што открива извор близок до парот, семејството Миљковиќ наводно ќе ги вложи сите свои заштеди во овој бизнис за да создаде вистински мал рај и да привлече што повеќе гости, за што побрзо да ги врати вложените пари.

– Марко и предложи на Луна да изградат луксузно одморалиште кое ќе го издаваат на други кога веќе ќе купат парцела која е идеална за сите оние кои сакаат да се одморат и да се соберат со пријателите. Таа ја прифатила идејата бидејќи долго време сакале да започнат семеен бизнис кој нема никаква врска со социјалните мрежи и снимањето за каналот Јутјуб – раскажува изворот за „Ало“ и додава:

– Повеќе од две години одвојуваат дел од парите што секојдневно ги заработуваат преку нивниот канал, а луксузната викендица чија изградба и опремување ќе ги чини околу 30.000 евра, им дојде како идеална можност за враќање на се што инвестирале во рок од една или две години.

Изворот открива дека Миљковиќ само за базен и сауна ќе треба да издвојат над 10.000 евра.

– Иако првично го планираа само базенот, Луна предложи да се изгради помал спа центар каде гостите дополнително ќе можат да се релаксираат по капењето во базенот. Преку пријател нашле градежен изведувач кој им понудил соработка во замена за половина од цената за базенот и сауната, па наместо 20.000 евра, луксузните делови од дворот ќе чинат 10.000 евра – изјавил извор близок до парот кој тврди дека завршувањето на сите работи се очекува на пролет следната година.

– Изградбата на куќата ќе започне во средината на септември, а базенот и сауната ќе се градат набрзина. Ако се оди според планот, викендицата ќе биде подготвена за вселување на почетокот на април, а двајцата ќе можат сериозно да заработуваат. Целиот ден со ноќевање ќе чини околу 300 евра, а покрај огромната база на фанови и следбеници на социјалните мрежи, нема сомнеж дека успешно ќе им оди бизнисот и ќе го вратат секое инвестирано евро – заклучува изворот.