ЛУКСУЗ ЗА СИТЕ ПАРИ: Еве каде живее и како изгледа Девин- вонбрачниот син на Мирослав Илиќ

Од моментот кога поднеле тужба за татковство против Мирослав Илиќ, Мирјана и Девин Антоновиќ тврделе дека не ги интересира никаков имот, ниту пак сакаат финансиска корист од пејачот.

Нивната единствена цел, велат тие, била да го утврдат потеклото на Девин.

Имајќи предвид дека Девин води речиси луксузен живот во Америка, кој самиот си го обезбедил, би се рекло дека мајката и синот ја кажувале вистината.

„Еееее! Мирослав, Мирослав, колку си пропуштил“, успеа уште еднаш да ја разбранува јавноста Мирјана Антоновиќ, кога неодамна на својот Фејсбук профил објави фотографија од нејзиниот поранешен сопруг Даниел, очувот на Девин, кој ужива во својата куќа покрај океанот.

Неговата полусестра Дијана, заедно со нејзиното семејство, често го посетува Девин. И сите, според прикажаното одлично се сложуваат.

Со оглед на тоа дека Девин е лекар по професија, не е чудно што успеал да си ги обезбеди финансиите на релативно млада возраст.

Иако и самиот се труди да се држи настрана, неговата мајка често со гордост ги известува своите следбеници на социјалните мрежи како живее, нагласувајќи дека тој е синот што може само да го посака.

Благодарение на Мира, пошироката јавност доби можност да ѕирне во куќата на Девин во која доминираат високи тавани и бел мебел, а бидејќи има и простран двор, свој простор доби и доберманот по име Цеп.

Да потсетиме, пејачот од Мрчајевци започнал љубовна приказна со Мирјана во далечната 1984 година.

Се запознале преку заеднички пријатели, па започнале романса, иако тој беше во брак со Гордана Илиќ.
По многубројните долги средби на суд и медиумски конфликти, Антоновиќ успеа во борбата, а со резултатите се пофали на социјалната мрежа Фејсбук.

– Драги мои трпеливи пријатели, денес е ден за славење. Донесена е судска одлука дека Мирослав Илиќ и Девин Антоновиќ се татко и син. Денеска од среќа плачевме и сме презадоволни. Им благодариме на нашите сведоци, на нашиот одличен адвокат Вилијам Паспаловски, на судијата кој донесе правична одлука, на медиумите кои следеа сè, честопати измрзнуваа со часови и на сите вас кои со години не поддржувавте да истраеме под огромен притисок. Ова не е само наша победа, туку победа на сите мајки и деца на Србија. Тој што не му се допаѓа оваа одлука нека тужи, а ние имаме уште повеќе. Ќе продолжиме се додека не се смени овој застарен закон за ДНК кој е насочен против развојот на српските семејства и српското општество.Отсекогаш сум сакала и верував дека правдата се уште може да се најде во Србија и многу ми е мило што не се разочарав . Ви благодарам многу , вашата Мирјана неизмерно ве сака – истакна таа.

Сопругата на фолкерот во една прилика даде изјава дека ниту таа ниту пејачот не сакаат да ги коментираат овие настани, и застана на страната на Мирослав Илиќ.

Гордана Илиќ, сопруга на Мирослав Илиќ, тврдеше дека таа и сопругот нема потреба да се бранат, бидејќи веруваат во Божја правда и дека целата ситуација наскоро ќе се разјасни, бидејќи непризнаениот син на Мирослав, Девин Антоновиќ со мајката Мирјана одлучи преку суд да бара ДНК анализа заради утврдување на татковство.

-Во бракот воопшто немавме криза, се расправавме, но немавме криза. Кризи што би довеле до развод … Имало ситуации кога сме се расправале жестоко, најчесто за некои ситници во воспитувањето децата, дали кучето било на време нахрането или прошетано, дали нешто е таму каде што треба да стои или не … Посериозните работи ги решаваме многу полесно од овие ситници. Мирослав е тој кој секогаш прв попушта. Јас сум многу тврдоглава, јас сум двоен Овен во хороскоп. Обично ми велат: „О Боже, навистина е тешко да се биде во брак со него“, но никој не прашува како се чувствува тој со мене – изјави Гордана во една прилика за Блиц.

Мирјана Антоновиќ, жената која успеа да докаже пред судот дека синот Девин е на пејачот Мирослав Илиќ, плукаше по него во медиумите велејќи дека е разочарана што пејачот не му честитал на своето дете за големиот успех што го постигна.

Таа истакна дека пејачот ќе и врати за се што и направи еден ден.

„Девин конечно стана анестезиолог. По тој повод, бидејќи собирите се забранети во Америка, му организирав мала прослава во мојата куќа. Честитки доаѓаа од сите страни, многу луѓе се јавуваа, но тој не напиша ниту порака, и не му честиташе на кој било начин. Тажно.Тој човек кој е татко на Девин, а тоа го крие пред законот, не ни испрати ниту порака. Што да кажам?! Сè ќе му се врати еден ден “, рече Мира.