“Кога ќе заслужи ќе го спомнам”: Карлеуша прозборе за разводот со Душко- конечно кажа се за односот со поранешниот

Јелена Карлеуша изнесе детали од приватниот живот – се наврати на разводот со фудбалерот Душко Тошиќ.

На прашањето дали таа и поранешниот фудбалер поднеле документи за развод, пејачката одговори – не.

– Не сме. Нека пишуваат што сакаат и кој што сака, исто како порано. Мене тоа ме погодува исто како кога комарец ќе касне слон. Никому ништо нема да објаснувам – изјави таа за новиот број на магазинот „Стори“.

На прашањето дали сама себе си рекла дека претерува кога го објавила соопштението за разводот, таа одговорила:

– Не претерав. Треба да научите да бидете паметни. Немам повеќе години за губење. Или-или сето тоа е во мојот живот од сега па натаму. Немам повеќе толеранција. Таа беше изгубена во овие 44 години маки. Како и да е, нема повеќе да зборувам за Душко. Кога ќе заслужи нешто убаво ќе го споменам. Дотогаш прашајте ме за љубовта кон животните – вели Јелена која прозборе за Атина и Ника и објасни дека дошол период кој е тежок за секој родител:

– Наскоро полнат 13 и 14 години, а периодот никогаш не бил потежок за нив и за мене. Се борам најдобро што знам со две девојчиња во пубертет кои многу пристојно го поднесуваат притисокот на славата на нивната мајка. Ситуацијата дома е потешка и по стресна, славата е помал проблем. Се борам како лав да ги заштитам и зајакнам, рече Јелена за магазинот Стори.

Да потсетиме, пејачката пред околу два месеци објави дека по 14 години брак се разведува од сопругот, фудбалерот Душко Тошиќ. По објавата таа замина на одмор во Турција заедно со своите миленички Атина и Ника.

– Јас и Душко се договоривме заемно да го прекинеме нашиот брак по 14 години. За жал, Душко повеќе не се гледа себеси како дел од нашето семејство. Техничките правни работи ќе се решаваат со договор во наредниот период, напиша Карлеуша во својата објава на Инстаграм.

Сепак, како и да изгледа на Инстаграм, Јелена фактот дека бракот дошол до распад не го пребродила лесно.

Во пресрет на 5 јули, кога официјално призна дека бракот и овојпат не функционира, ЈК во раце држела писмо кое и дало неверојатна сила.

-Мамо, ти си ми се во мојот живот, те сакам многу и не можам да живеам без тебе!, е пораката на тринаесетгодишната Атина упатена до нејзината сакана мајка.

Како што откри пејачката во соопштение за медиумите, таа го има старателството над децата, а целиот брачен имот им е пренесен на нивните две ќерки.

Како што пренесуваат медиумите, Ј.К. наводно сега се иселува од куќата во Лисиче Поток, која е помала од онаа на Дедиње, каде што планира да продолжи да живее со своите ќерки.

Бидејќи нивните ќерки моментално се малолетни, пејачката ќе располага со имотот додека не пораснат.
Бидејќи Ј.К. има старателство над децата, Душко ќе плаќа алиментација. Наводно, месечната алиментација ќе изнесува вкупно 5.000 евра, а дополнително ќе го финансира нивното дообразување, пишува „Нова“.

Сите договори се склучени без одложување, а Тошиќ, бидејќи е многу приврзан за ќерките, ќе може да ги гледа секогаш кога ќе има можност, со оглед на тоа што поголемиот дел од времето поради работата го поминува во Турција, пренесуваат медиумите.

За разлика од бројните други познати парови кои за време и по разводот имаа само лоши зборови еден за друг, Јелена и Душко минуваат низ тежок период на многу цивилизиран, пристоен и коректен начин.

Една од причините најверојатно се нивните ќерки кои со родителска грижа сакаат да ги заштитат од дополнителен стрес и изложување во јавноста.