Карлеуша прв пат откри се за бракот: Овие детали никој не ги знаеше- еве зошто не му дава развод на Душко

Карлеуша минатата година го пријави Душко за семејно насилство на Божиќ, по што еднаш се сретнале на суд. По оваа криза во бракот пристигнаа низа шпекулации но само тие знаат што е вистина.

Јелена Карлеуша по сите шпекулации изминатата година, конечно реши да признае пред јавноста што се случува со нејзиниот брак.

Имено таа изјави дека нема да се разведе од сопругот Душко Тошиќ иако нивниот брак не функционира.

Карлеуша минатата година го пријавила Душко за семејно насилство на Божиќ, по што еднаш се сретнале на суд.

Деталите не и се познати на јавноста.

-Ме изнервира Душко Тошиќ, па морав да го казнам со еден пост, но не се разведовме. На хартија, не се разведовме и се уште живееме во иста куќа. Oдносот е специфичен, не знам како да се изразам без пак да ми се јави неговиот адвокат. Жално е што дури и го спомнувам неговиот адвокат, но ќе кажам една голема вистина и ќе ставам точка. Животот на Душко нема смисла без мене. Тоа е една голема вистина. Тој не постои без мене. Сè уште живееме многу убаво со нашите деца во нашите четири ѕида. Мама и тато не функционираат. Ова е тажната приказна на секој втор брачен пар во Србија. Бракот како институција пропаѓа пред се поради машкото непочитување кон жената, тоа за жал е голема вистина – рече Карлеуша.

– Кога станува збор за таткото, тоа е фигура која мора да постои. Тоа е една од причините зошто мојот брак со Душко трае и опстојува. Не сакам моите деца да бидат деца на разведени родители – изјави Јелена Карлеуша.

Инаку поп дивата Јелена Карлеуша помина уште една новогодишна ноќ во работна атмосфера, настапувајќи во елитен белградски хотел.

Таа и овој пат покажа колку е посветена на своите ќерки со тоа што најлудата ноќ сакаше да ја помине со нив, па ги поведе со себе.

Тие заедно со својата мајка дојдоа во хотелот каде Јелена Карлеуша настапуваше а очигледно е дека тие се особено горди на својата мајка која ја следеа од нивните удобни позиции.

Како што самата пејачка им откри на новинарите, ќерките го позајмиле стајлингот на нивната мајка за „најлудата ноќ“.

– Атина и Ника се тука, беа со мене и лани, сега веќе се во фустаните и чевлите на мајка им, тоа можам да ви го кажам, веќе се големи девојки, многу сум горда на тоа – изјави Јелена.

Ќерките на Јелена Карлеуша дочекот не го поминаа само со нивната мајка, која ја помина работно таа вечер, туку и со тетката на Јелена, Данијела.

Наследничките на мама навистина веќе се доволно пораснати за да ги носат нејзините комбинации, а сите се согласија дека избраните стилови совршено им одговараат.