Гоца Тржан искрено за втората бременост: Најголемо чудо би било на оваа возраст да останaм бремена!

Гоца Тржан важи за една од најискрените пејачки која не одбегнува да зборува на ниту една тема. Таа е во брак со четиринаесет години помладиот Радомир Новаковиќ а се земаа во 2015 година.

Таа со сегашниот избраник нема дете, но долги години се обидува да остане бремена. Со оглед на тоа што после неколку обиди со ин-витро не остана бремена,  таа отворено коментираше на оваа тема.

-Би се поштедила на тие теми бидејќи ми здосади да зборувам за тоа, изјави таа, па додаде:

– Имам 48 години и тоа би било во доменот на чудата. Ако не се случи, имам свое дете кое треба да го пораснам и да го однесам на прав пат. Има толку многу јавни личности кои го прават истото и не сакаат да зборуваат за тоа, па таа штафета ја оставам на некој друг, изјави Гоца.

За кризата во бракот со четиринаесет години помладиот Радомир, таа рече:

– Немавме критични моменти, иако моравме да водиме сериозни разговори. Сепак, немаше кризи. Не бевме на работ на развод или целосно отуѓување. Можевме да препознаеме кога нешто не е во ред, дека не сме тоа што бевме и дека е време да разговараме за да се вратиме еден кон друг, беше искрена таа.

Разликата во години е и причина за секакви шпекулации, но Гоца и Раша успешно се спротивставуваат на искушенијата и повторно докажуваат дека нивната љубов е посилна од се. Успехот на ин витро оплодување им е примарна цел и не се откажуваат од големата борба.

Овој хармоничен пар не се одѕива на негативните коментари, а како што тврди пејачката разликата во години не може да им наштети на нивната врска:

– Не ми е гајле за другите луѓе и предрасудите. Луѓето кои ме познаваат мене и Раша знаат колку сме компактни и колку добро функционираме. Животот е премногу краток за да го живеам во страв од иднината… Сакам да го живеам мојот живот во потполност, бидејќи нема иднина, нема минато, постои само овој момент што го живееме сега – изјави Гоца во една прилика и додаде:

– Ги живеам најубавите години од мојот живот, дури и да мислев во тој момент кога се сретнавме јас и Раша и да речев: „Еден ден ќе ја видиш таа разлика“, немаше да ги имам овие најубави 11 години во мојот живот. Дефинитивно ќе ја видите разликата, не ни кријам… Се шегуваме со тоа. Во суштина, ние неизмерно се сакаме и почитуваме, нашата врска и брак не се засноваат само на физичка привлечност. Еден ден ако сака да биде со помлада и поубава жена, не можам и нема да го задржам, бесмислено е, бидејќи и јас на 60 ќе му бидам пиленце на некој 80 годишен чичко, рече Гоца.