Ваков луксуз не сте виделе ниту на филмовите: Драгана Мирковиќ го накити дворецот- елката во салонот го одзема здивот, а за овие детали сите зборуваат

Драгана Мирковиќ живее во луксузен дом. Во куќата на фолк дивата во Виена се е екстравагантно.

Драгана Мирковиќ одамна се здоби со статус на регионална ѕвезда. Иако ужива голема популарност и живее како принцеза, таа не крие дека во својот замок во Виена пред се е мајка, сопруга, па дури и домаќинка.

Пејачката сега се покажа како вистинска домакинка па се потрудила во нејзин стил да ја уреди куќата пред празниците. Во централниот дел од дневната соба стои висока и густа елка, а пејачката ја украсила во две нијанси. Домот на Драгана Мирковиќ, инаку луксузен замок во сопственост на пејачката и нејзиниот сопруг е украсен со снежно-бели детали со додаток на сребрено-сива боја.

Иако претходните години го украсуваше домот воглавно во црвени тонови, годинава пејачката реши да направи промена, па се одлучи за белата боја која дава посебна елеганција.

Пејачката постави лампиони од сите големини, пердуви и украси во форма на ангели а белите фенери на подот даваат посебна елеганција. Дополнителен украс беше мекиот килим кој ја направи зелената елка уште поубава.

Домот на Драгана Мирковиќ пред божиќните и новогодишните празници изгледа како бајка а нема сомнение дека за неколку дена домаќинката ќе почне да ја подготвува празничната трпеза околу која ќе се соберат нејзините најблиски.

Познато е дека наследниците на пејачката Мануела и Марко Бијелиќ веќе некое време не живеат со неа, поради студиите живеат во стан во Виена, но по повод католичкиот Божиќ ќе го посетат семејниот дом и заедно ќе го прослават празникот.

Истата ситуација се очекува и на 7 јануари, кога православните верници го слават Божиќ.

Иако е на естрадата со децении, популарноста и славата не ја променија. Таа сè уште ги прави сите работи што ги научила од нејзините родители и не се двоуми да ги засука ракавите и да ги демонстрира своите кулинарски вештини во својот замок.

– Јас сум совршена жена, сакам се да подготвувам. Сакам тестенини, но немам проблем да влезам во кујна и да готвам. Уживам во се што е својствено за секоја жена затоа што искрено штета е жената да не знае да приготвува храна, мислам дека би требала да се срами. Не можам да кажам дека го правам сето тоа, или дека готвам секој ден, имам помош дома, но сакам да учествувам, особено кога се во прашање празниците, уживам во готвењето, почнувајќи од декорацијата, истакна Драгана во една прилика.

Сега колку сум добра домаќинка незнам, не би претерувала со тоа – рече Драгана и додаде:

– Јас сум апсолутно нормален човек кој сака се што на луѓето генерално им се допаѓа и правам се што прават останатите луѓе.