Таа е мајка борец: Девојката со крилја повторно ги разнежни сите- нејзиниот хендикеп не е пречка за да биде совршена мајка

27- годишната Дејана Бачко завршила уметничка академија – цртање и сликање. Таа е актуелна светска шампионка во теквондо, се занимава со стрелаштво и иако одамна со спортските успеси покажа дека за неа пречките се само предизвици, таа отиде чекор понатаму па се реализираше во улога на мајка и покажа како една жена е подготвена на се за своето дете.

Позната е по прекарот „Девојка со крилја“. Неодамна се породи, а со своите следбеници на социјалните мрежи со задоволство и често ја споделува својата среќа и времето што го поминува со ќерката Лара.

Таа пред два месеци објави видео на кое го храни своето бебе и сите беа преплавени со убави емоции.

Тоа го покажуваат речиси 20.000 лајкови и многубројните коментари во кои следбениците и изразуваат поддршка.

„Хероина“, „Мало пиленце. Браво мамо, чудо што може оваа жена!“, „Најдобрата мама! Ме расплака“, „Браво жена на кралицата“, се само дел од коментарите на видео кое има над 80 илјади лајкови.

Дека таа ужива во улога на мајка покажуваат секојдневните фотографии. Дејана често споделува како сама го подготвува своето дете за прошетка, сама го храни, менува пелени, што значи за неа тоа што нема раце не е пречка да даде се од себе за своето чедо.

Девојката со крилја како што самата се нарекува не ја симнува насмевката од лицето откако се оствари во најубавата улога во животот.

– Јас сум одлично. Тоа е неописливо чувство, навистина, многу ми е мило што станав мајка. Нова улога, голем предизвик. Јас сум многу среќна. Секако, тука е и поддршката од мојот сопруг, а тука ќе биде неговото и моето семејство – изјави храбрата Дејана по породувањето.

– Боже, ти благодарам за овој подарок – напиша таа во објавата, по што доби многу позитивни коментари.

„Сега си мајка со крилја, бебето е преубаво“, „Браво, жива и здрава Лара“, „Честитки“, беа само некои од нив.