Ова е станот во кој уживаа Ана и Мрка – пејачката скршена од болка му посвети емотивна порака!

Српскиот политичар и пратеник Милутин Мркоњиќ почина во Белград на 79-годишна возраст, откако ненадејно му се влоши здравствената состојба.

Милутин Мркоњиќ долги години беше во љубовна врска со пејачката Ана Бекута, која беше со него до последниот ден.

Иако не беа официјално во брак, нивната љубовна приказна беше една од најубавите. Од кога го запознала Мрка, како што често кажуваше Ана Бекута, таа стана најсреќната жена на светот.

Нивната оаза на мирот беше во Врачар. Домот во кој живееа Ана и Мрка се наоѓа на врвот на најлуксузната зграда во оваа белградска општина. Сите кои биле во домот на Бекута тврдат дека тоа е вистинска оаза на топлина и дека секое парче мебел е внимателно избрано.

-Станот е обоен во бело, додека кај мебелот преовладуваат зелените тонови – изјави членката на жирито на „Ѕвездите на Гранд“ за својот дом, и за тоа дека се е на свое место. Таа посочи дека особено е внимателна во кујната каде сака да биде се на свое место.

Интересно е тоа што во еден дел од станот Ана има свое катче каде има голем број награди, но и шминкерница каде што музичката уметница се подготвува кога оди на настани. Милутин во едниот дел од станот има фотелја во која седи само тој, до неа има маса на која се сместени неколку далечински управувачи, а пред него има телевизор на кој редовно гледа општествено-политички емисии.

Во својот дом пејачката има дури и своја канцеларија. Пејачката долго го бирала станот кој се уште го отплаќа на кредит.

-Веднаш се заљубив во овој стан, веднаш штом го видов, поради таа светлина, поради таа отвореност, ширина. Дадов се од себе за да изгледа вака. Сè уште копнеам по овој стан – изјави претходно Бекута и додаде:

– Колку би била среќна Милутин да ми го подареше ова. Тој е тука за да ми помогне во секоја друга смисла, но не и во финансиска, рече Ана во една прилика.

Сепак, како што истакна таа во станот има дупка на таванот, бидејќи при секоја посета нејзината пријателка Лепа Брена постојано ја удирала главата во лустерот.

Дневната соба е полна со спомени и детали, а кујната во која добро и оди на домаќинката е бела и уредена во минималистички стил.

За потсетување, состојбата на Мркоњиќ беше критична и тој беше приклучен на апаратот ECMO, кој му овозможува на срцето и белите дробови да бидат „на одмор“ и кој всушност го одржува во живот. Познатиот социјалист, кој имаше 79 години, беше во вештачка кома.

Состојбата на Милутин Мркоњиќ била исклучително тешка и критична, а лекарите од Заводот за кардиоваскуларни болести „Дедиње“ ги направиле сите напори да му го спасат животот, но за жал, не успеале.

Да потсетиме, лекарите од клиниката каде што беше хоспитализиран Мркоњиќ претходно изјавија дека политичарот се наоѓа во исклучително тешка, всушност критична здравствена состојба поради опуштање на срцевиот мускул. Инаку, тој на почетокот на ноември заврши на кардиоваскуларната клиника во Белград, каде му беше вграден пејсмејкер, а пред тоа, во август, имаше операција на срцевиот залисток.

Инаку по неговата смрт се огласи Ана Бекута и накратко напиша;

Секој ден од нашата љубов, е ден за сеќавање…