Новости
Денеска започнуваат Велигденските пости- најстрогиот и најдолгиот пост, ова се правила кои мора да ги почитувате
Денот по Прочка е Чист понеделник кога почнува големиот велигденски пост...
Денеска започнуваат строгите велигденски пости односно светата Четириесетница која е востановена во чест на спасителните страдања и Воскресението на Господ Исус Христос.
![](https://mama.glamur.mk/wp-content/uploads/2022/04/Veligden-crkva-1.jpg)
Според правилата на Православната Црква се пости вака: за цело време на постот во сабота и недела е дозволена употреба на масло. Во останатите денови од седмицата (од понеделник до петок) не се употребува масло. Риба се јаде само на Благовештение и Цветници.
![](https://mama.glamur.mk/wp-content/uploads/2023/02/пост-тѕр.jpg)
Ако Благовештение падне пред Врбица (Цветници), тогаш на денот после Благовештение се разрешува масло и вино.
![](https://mama.glamur.mk/wp-content/uploads/2023/02/постење.jpg)
Денот по Прочка е Чист понеделник кога почнува големиот велигденски пост. Велигденскиот пост опфаќа 7 недели, односно 7 седмици. Трае 48 дена, од Прочка до Велигден.
![](https://mama.glamur.mk/wp-content/uploads/2023/02/гтењѕф.jpg)
Правилниот пост е заснован на покајание, смирение, телесниот подвиг а пред се молитва.
![](https://mama.glamur.mk/wp-content/uploads/2023/02/пости.jpg)
Првите три дена од постот монасите и христијаните кои решиле да постат држат тримир. Тоа е тридневен пост во целосно воздржување од јадење и пиење.
Овој пост трае четириесет дена како што постел Господ Исус Христос, и уште една недела како тажна недела од влегувањето на Исус во Ерусалим до неговото воскреснување. Ова е најдолг пост – според должината на постењето. Најголем пост – според важноста, во однос на другите повеќедневни пости.Најстрог пост – меѓу останатите постења – најстрог според исхраната и воздржувањето, а и според богослужбите.
Во Велигденскиот пост не се прават свадби, ниту се дозволува венчавање.
Извор Бигорски, Покајаније.мк, МИА.мк