ЅИРНЕТЕ ВО РАСКОШНИОТ ДОМ НА ДРАГАНА МИРКОВИЌ: Пејачката покажа како го украсила замокот за Велигден- ваков луксуз нема ниту на филм

Познато е дека во домот на фолк ѕвездата Драгана Мирковиќ се слават два Велигдени, католички и православен.

Секако Драгана е позната по украсувањето на својот луксузен дворец па така и оваа година доби низа комплименти на сметка на домот во Виена.

Деновиве, пак, домот на Драгана Мирковиќ блеска со посебен сјај и во него владее посебна атмосфера, а дека покрај својот гламур, замокот зрачи со топлина и со искрена љубов, имавме можност да се увериме гледајќи ги фотографиите кои таа ги објави на Инстаграм по повод големиот празник.

Имено, пејачката ја отвори вратата од својот дом и покажа како го украсила замокот за празниците.

Драгана својот дом го претвори во вистинска празнична магија, а сега покажа како ужива за Велигденските празници.

Целата трпезариска маса, изработена од најфини материјали, Драгана ја покри со украсни зајачици, бојадисани јајца и други украси.

На масата имаше вазни со цвеќиња, кокошки и дрво со бели гранки на кои се обесени јајца во пастелни бои.

– Среќен Велигден ! Среќен Велигден на сите кои слават, од се срце ви посакувам многу здравје и среќа – напиша Мирковиќ на социјалната мрежа Инстаграм, пишува Телграф.

Имено, познато е дека овој објект има посебно културно-историско значење.

Еден од најинтересните факти е дека овој замок често го посетувала Марија Тереза, која често престојувала таму кон крајот на 17 век и поради оваа причина пејачката не сакала целосно да го реновира, но дел од величествената вила Драгана и нејзиниот сопруг решиле да го реконструираат со помош на експерти и да го прилагодат на нивните потреби.

Бидејќи инсистираат на автентичност, архитектонските детали што го красеа домот на Драгана Мирковиќ, поточно замокот, ги оставија уште пред реновирањето, како што се големите прозорци со делот за седење.

Внатрешноста на замокот ја дизајнираа Драгана и Тони заедно, акцентот е ставен на бели и беж тонови кои на ентериерот му даваат префинета нота, а посебно внимание привлекуваат античките мотиви, уникатните предмети и парчиња мебел како и лустерите украсени со Сваровски кристали.

Замокот има сала за бал, каде пејачката и нејзиното семејство организираат семејни прослави, а се работи и на музеј во рамките на имотот, кој наскоро ќе биде отворен за посетители.

Замокот има и посебна просторија во која се наоѓаат сите награди кои пејачката ги освоила во текот на кариерата, како и подароците кои ги добивала од обожавателите.

Реновираниот дом на Драгана Мирковиќ, во кој го најде својот мир, иако има посебно културно-историско значење, може да се каже дека е вистинска оаза на луксузот и здание од бајките што никого не остава рамнодушен.