Татко ми е алфа мажјак, се шокираше кога му кажав дека ќе го сменам полот: Искрена исповед на трансродовата натпреварувачка од Гранд- еве кога сфатила дека сака да биде жена

Јавноста ја запозна 29- годишната Алина Јухарт од Словенија во минатотото издание на „Ѕвездите на Гранд“.

Трансродовата натпреварувачка истакна дека никогаш не ги симнува чевлите и фустаните од кои е воодушевена и посочува дека понекогаш заборава дека била маж а сега открива како реагирале нејзините најблиски кога им кажала дека сака да го смени полот.

Оваа пејачка е родена како маж, Алино Јухарт во Марибор, но уште како дете сфатила дека всушност е жена. Алина во саботата се појави во најпопуларното музичко натпреварување и веднаш го привлече вниманието на гледачите и членовите на жирито.

-Кога жените доаѓаат дома, прво ги соблекуваат чевлите, но јас не. Чистам, мијам садови, пеам, танцувам со нив. Уште пред десет години носев фустани по дома, но дури пред четири години излегов на улица во фустан во Сплит. Тогаш процветав и оттогаш не ги симнав. Не ме интересираат панталони! – изјавила Словенката.

Трансродовата пејачка уште од детството знаела дека е женско, иако е родена како маж.

– Се запознав себеси кога бев девојче, но тоа е процес кој трае. Тоа не е лесен живот. Ми се случува да одам по улица, луѓето да ме погледнат и да видат женска личност, а потоа се чудат кога ќе слушнат машки глас. Тогаш морам да им објаснам зошто е тоа така. Понекогаш заборавам дека сум поинаква и дека сум родена како маж, затоа што се чувствувам женствено.

На учесничката на „Ѕвездите на Гранд“ не и било лесно кога на семејството му го соопштила својот родов идентитет.

-Мајка ми почина кога имав пет години. Останав со брат ми и татко ми. Тие се алфа мажјаци, вистински мажи и се шокираа кога им кажав. Секако, прифатија, бидејќи многу ме сакаат – изјавила Алина и додала дека не направила никаква пластична операција:

– Немам ништо вештачко на себе, сакам да бидам природна. Јас дури и не ја фарбам косата.

Алина која по потекло е од Словенија, од февруари живее во Белград, и како што самата изјави во шоуто, дошла бидејќи смета дека Србија, но и целиот регион мора да запознае жена како неа.

Таа во саботата се појави во популарното шоу и со својот вокал, но и специфичен изглед им го привлече вниманието на сите, а пред членовите на жирито и публиката се претстави со песните „Паметна и луда“ од Марија Шерифовиќ и „Те лажат“ од „Амадеус бенд“.

По настапот таа доби шест гласа, а со тоа и можност да го избере менторот, така што се одлучи за Марија Шерифовиќ.

Но популарната пејачка ги „шокираше“ сите кога ја одби, а како образложение наведе дека е некој што со своите кандидати работи брзо, грубо и нервозно, сметајќи дека за неа треба некој што е нежен.

Алина тогаш доби прилика повторно да избира, по што ја избра Цеца Ражнатовиќ кој со радост ја прифати во својот тим.

„Бидејќи таа не знае да ги негува тие нежни чувства во менторството, јас знам и во менторството и во приватниот живот“, порача Цеца.

„Јас сум само една нормална личност која има желба да сака, да биде сакана и да биде среќна како и сите ние. Сакам да инспирирам секого да го живее својот живот и својата животна вистина. И ве обожавам сите вас, не можам да поверувам дека сум тука“, истакна Алина.