Прва фотографија од крштевката на малата Алба: Сите зборуваат за фустанот на мама Хана Хулиќ- изгледа како вистинска принцеза

Петар Грашо и Хана Хуљиќ добија ќерка кон средината на јули минатата година и од тогаш малата Алба е ннивна главна преокупација, најголема грижа и неизмерна радост.

Гордите родители, според хрватските медиуми, во петокот на 17 февруари во Сплит, направија крштевка во строга тајност додека два дена по свечениот чин, на 19 февруари, приредија голема забава по овој прекрасен повод.

Прославата беше организирана во ресторанот „Адриатик“ во Суштипан, каде што минатата година Петар Грашо и Хана Хуљиќ ја прославија својата венчавка, а на овој важен датум решија да го крстат своето бебе.

Први на гала прославата пристигнаа домаќините, а посебно внимание привлече Хана која блесна во раскошен гламурозен фустан држејќи ја малата Алба во рацете облечена како вистинска принцеза.

Мајката на Хана, писателката Вјекослава Хуљиќ не се одвојуваше од ќерката и внуката, а со својата совршена модна комбинација, синиот фустан со длабок шлиц, ги собра сите погледи и доби многу комплименти.

Според упатените, се било организирано на највисоко ниво, а на прославата на која се очекуваше да има над 200 гости, присуствувале членовите на семејството и пријателите, како и многу познати личности, меѓу кои и пејачот Јошко Чагаљ Џоле ​​и ѕвездата Јелена Розга, пишува хрватскиот „24 сата.““.