По гласините дека исчезнала во земјотресот конечно се огласи турската актерка: Еве каде била цело време додека фановите се грижеа дали е се во ред со неа

Пред извесно време во медиумите излезе веста дека наводно турската актерка Џансу Дере исчезнала по катастрофалниот земјотрес кој ја погоди Турција.

Фановите беа загрижени по оваа вест и со нетрпение очекуваа актерката да се појави и да ги демантира таквите гласини па по неколку дена излезе фотографиај на која се гледаше како актерката помага на настраданите од земјотресот.

Џансу сега конечно проговори откако нејзините обожаватели се посомневаа дека исчезнала во страшниот земјотрес што ја погоди земјата пред повеќе од еден месец.

Актерката сега за турскиот Си-Ен-Ен изјави дека некое време не била во јавноста бидејќи имала повреда на ногата и се опоравувала во својот дом.

„Не ми беше намера да загрижам никого. Јас не сум некој што многу ги користи социјалните мрежи. Инстаграм ми служи како албум во кој ги споделувам моите среќни моменти“, изјави ѕвездата на турската серија Езел.

Инаку 43-годишната актерка е родена во Анкара, а нејзиниот татко е имигрант од Бугарија.

По дипломирањето, таа се посвети на манекенството и ја освои титулата Мис на Турција, што и ја отвори вратата за улоги во ТВ серии.

Приватниот живот на оваа убавица е толку турбулентен што ниту една сапуница не би и била рамна.

Најмногу била разочарана од врските кога во 2009 година требало да се омажи за турскиот комичар Џем Јилмаз, но тој се вљубил во нејзината најдобра пријателка Аху Јагта, со која Џансу учествувала на ревии на почетокот на нејзината кариера.

Тој се оженил со неа и добиле дете но среќата не траела ниту три години. По распадот на бракот Џем се обидел да се врати кај неа,но таа повеќе не ни размислувала за тоа.

– Поради тоа плачев со денови. Бев изневерена, повредена и ништо не можеше да ме расположи. Бев на дното. Моите пријатели работеа напорно околу мене, постојано ме изнесуваа надвор, се обидуваа да ме насмеат и расположат, но јас тонев се подлабоко во мојата депресија, изјави тогаш таа.

Кога реши повторно да и даде шанса на љубовта, и започна врска со нејзиниот менаџер Џем Ајдин, повторно беше изневерена.

– Ладна сум како мраз и таква ќе останам. Некои работи не ја засегаат јавноста затоа што се приватни, па се однесуваат само на мене. Не им се оправдувам на моите родители, ниту на другите. Лажењето е толку лоша особина што не сакам да имам лажго во мојот живот. Всушност, колку побрзо тој излезе од мојот живот, толку подобро, барем според мене, рече тогаш таа.

Џансу Дере се уште ја бара својата сродна душа, но поради се што и се случи во љубовта, денес тешко се впушта во сериозни врски. Порано имала конзервативни ставови за бракот. Таа не ги поддржуваше разводите, ги сметаше за погубни, а пред брак не би се согласила да живее со маж под ист покрив.