Коронавирусот го оштетува срцето кај 78 проценти од заболените- оваа група е најзагрозена!

Шокантни резултати покажаа две германски студии. Дури во 78 проценти од случаите, короната остава оштетување на срцето, додека веројатноста за благи и асимптоматски случаи е 60 проценти!

Вирусната инфекција обично се шири на срцето за време на воспаление на дишните патишта, колку ќе биде сериозно воспалението на срцевиот мускул зависи од имунитетните механизми и наследната предиспозиција.

Професорот д-р Лазар Велички, кардиохирург од Институтот за кардиоваскуларни болести на Војводина , вели дека е можно кај пациент кој претходно не страдал од срце и крвни садови, да развие воспаление на срцевиот мускул. Сепак, тој забележува дека треба да се има предвид на голем број на фактори на ризик кои се важни за појава и развој на компликации при инфекција со коронавирус, како и фактори на ризик за кардиоваскуларни болести (дебелина, дијабетес, хипертензија и други).

– Дали ќе се појави миокардитис, зависи, пред сè, од имунолошкиот статус, вирулентноста на вирусот и општата здравствена состојба на пациентот. Исто така, докажано е дека новите видови на вирус предизвикуваат посериозна клиничка слика и влијаат на помладата популација. Вирусот корона има специфични рецептори преку кои може да ги нападне клетките на срцевиот мускул, што, пак, доведува до негово оштетување, лузни и намалување на срцевиот ритам. Овие промени се повеќе или помалку неповратни. Воспалението на срцевиот мускул е особено забележано од доменот на т.н. пост-ковиден синдром – рече Велички.

Коронавирусот влијае на циркулацијата!

Инфектологот д-р Дијана Лендак од Клиниката за инфективни болести на Клиничкиот центар на Војводина, вели дека освен што коронавирусот директно го оштетува срцевиот мускул, вирусот влијае и на циркулацијата воопшто. Недостатокот на кислород индиректно влијае и на работата на срцето. Карактеристика на Ковид е тоа што ги напаѓа и хронично заболените  и оние кои никогаш немале проблеми со срцето. Хроничните срцеви пациенти имаат потешка клиничка слика, но неверојатно е дека целосно здрави луѓе доживеале миокарден инфаркт или миокардитис после корона.

– Германското истражување кое ги испита последиците кај пациенти по три месеци од прележувањето на короната, вклучува магнетна резонанца на срцето и покажа дека во 60% од благи или асимптоматски случаи има знаци на оштетување на срцето. Колку долго ќе се манифестира во животот е големо прашање, но факт е дека голем број на претходно здрави пациенти имаат различни последици врз работата на срцето – рече Лендак.

Миокардитисот е класифициран како ретка болест. Ова воспаление го зголемува и ослабува срцето, создава лузна и доведува до потешка работа на срцевиот мускул за време на одржувањето на циркулацијата на крвта низ телото. Може да се појави кај секого, од стари луѓе до новороденчиња. Миокардитисот е трета водечка причина за ненадејна смрт кај деца и млади, а околу 1,5 милиони луѓе во светот добиваат воспаление на срцевиот мускул секоја година.

Велички вели дека постојат голем број вируси кои можат да предизвикаат воспаление на срцевиот мускул, а најчесто тоа го предизвикуваат вируси од типот Коксаки вирус од групата Б, потоа вирус на инфлуенца, вирус на херпес симплекс 6, хепатит Ц, ХИВ, цитомегаловирус (ЦМВ) , Вирусот Ебштајн-Бар, Парвовирус Б19, како и вирусот Западен Нил и моментално тековниот SARS-CoV2.

Високите температури кои се забележуваат кај пациенти со корона доведуваат до зголемени метаболички потреби што треба да ги обезбеди кардиоваскуларниот систем.

Бидејќи срцето понекогаш работи со едвај доволно моќ под нормални околности, зголемените побарувања во случај на инфекција можат да предизвикаат колапс на циркулацијата – рече Велички.

Коронавирусот започнува со вирусна инфекција на респираторниот тракт и (или) со појава на симптоми како слабост, болка во мускулите и зглобовите, гастроинтестинални проблеми како гадење, дијареја и повраќање, проследени со симптоми што одговараат на кардиоваскуларни проблеми, како на пр. болка во градите., задушување, оток на нозете или аритмии.

Воспалението на срцевиот мускул може да помине скоро незабележливо или со многу малку потешкотии, од друга страна, пациентите се жалат на прескокнување на отчукување на срцето или дури и изразена остра болка со прободување во градите.

– Кај најголемиот број пациенти кај кои е забележан миокардитис, текот на болеста е таков што ќе има целосно закрепнување, без трајно оштетување на срцето. Закрепнувањето може да трае од неколку недели до неколку месеци, но работата на срцето е целосно обновена. Мал број на пациенти развиваат кардиомиопатија (состојба во која срцето се шири и ослабува), што бара доживотно лекување и ја намалува можноста за физички напор, квалитет и должина на животот. Многу ретко само кај (2%) миокардитис напредува брзо и за кратко време може да доведе до смрт на пациентот. Многу е важно да се спомене дека луѓето кои се опоравиле од миокардитис, во следните шест месеци треба да избегнуваат поголем физички напор, а доколку се спортисти, во тој период имаат забрана за натпреварување – рече Велички.

Извор Србија данас