Да се биде мајка е благослов. Не постои поцврста врска од онаа на мајката со своите деца. Тоа е безусловна љубов, која ја даваш несебично без да бараш нешто за возврат. Да, но да се биде мајка не е воопшто лесно, водејќи се од фактот дека мајките играат клучна улога во животот на нивните потомци, давајќи се од себе да ги одржат своите деца безбедни, среќни и здрави.
Иако мајчинството не може да се опише со зборови, или пак да се наслика, сепак Михаела Норок која од Романија, која е една од најпознатите фотографи во светот, одлучила преку фотографии да ја претстави мајчинската љубов, во 50 разни земји во светот.
Норок, со помош на својот објектив, фотографираше неверојатно убави жени, но главната поента на нејзините фотографии е токму мајчинството. Таа на својот официјален Инстаграм профил сподели неколку инспиративни приказни за безусловната врска меѓу мајката и детето.
ПЕРУ
“Ги фотографирав Јулијана и нејзиниот син Алекс минатиот ноември високо на планините Анди во Перу. Додека беше бремена, Јулијана доживеа тешка несреќа на стрмните тесни патеки околу нејзиното изолирано село. Бебето за чудо преживеа. Но, заради нејзиното здравје, Jулијана беше принудена да се пресели во најблискиот град каде продолжи да живее по породувањето.
Но, Јулијана доаѓа тука што е можно почесто и се надева дека нејзиното здравје еден ден ќе и дозволи да се врати. Го сака своето село, ги сака планините и чувствува дека ова е единственото место на која таа и нејзиниот син можат да се поврзат со Пачамама, најважната божица која ја обожаваат домородното население на Андите, позната и како Мајка Земја “, стои во описот на оваа фотографија.
Франција
“Ги запознав во 2016 година во Марке де Енфантс Руж, најстариот покриен пазар во Париз, на нивниот штанд за вегетаријанска храна. Татјана, мајка, подготвува солена храна додека Тонија, нејзината ќерка, подготвува десерти. На крајот на денот, и двете беа истоштени , но изгледаа искрено среќни што работеа заедно во ваква комбинација “, пишува Норок.
Љубов во Милано
“Мајка и ќерка на улиците на Милано во Италија пред неколку недели. Катерина, ќерката, започна да танцува кога имала 3 години.” Јас секогаш и велев на мајка ми дека сакам да станам балерина “, вели таа. И Барбара, мајката, секогаш ја поддржуваше. се пресели во Милано од нивниот мал град за да може Катерина да го оствари својот сон и да научи балет уште од рана возраст во едно од најпрестижните училишта во светот.
Нејзиниот брат и татко мораа да останат дома, оддалечени неколку стотици километри. Уметноста бара огромни жртви, години напорна работа и тешкотија, но големите работи никогаш не стануваат лесни. Замислете само како се чувствува Барбара денес кога ја гледа Катерина како танцува на една од најпознатите сцени во светот: сцената Ла Скала “, стои во описот на оваа волшебна фотографија.
Таа во Кина направила прекрасна фотографија додека била во придружба на нејзината мајка и сопруг, кои ја носеле на пат кон болницата за да се породи.
Овој редок момент го снимив во Кина во август 2015 година”, напиша таа под фотографијата.
Заклучокот од фотографиите е дека, без разлика на кој дел од светот припаѓате, мајчинството секаде се зборува на истиот јазик, а тоа е давање безусловна љубов на своето дете.
