MAMA
Таа ќе биде нашиот ангел- реакција на татко кој дознава дека неговата ќерка нема раце ги посрамоти докторите!
БРЕМЕНОСТА е периодот кој родителите со нетрпение очекуваат да помине, за да го запознаат своето мало ангелче. Но секако времето на чекање во меѓувреме носи и многу грижи, кога станува збор за правилниот развој на плодот. Една по малку потресна исповед сподели Ванеса Меклеод која иако поминала една бременост, сепак за втората почувствувала дека можеби нешто не е во ред, но сепак , таа немаше идеја со што ќе треба да се соочи.
„Открив за проблемите со екстремитетите на мојата друга ќерка Ајви во 19-та недела. Мојот сопруг беше на работа, така што мајка ми и сестра ми дојдоа со мене на ултразвук за да го видат бебето. Се сеќавам на тој ден, беше како ултразвукот да траеше вечно, но техничарот ми рече дека нозете на бебето се прекрстени и дека е тешко да се одреди неговиот пол. Не размислував ништо за тоа. Сите ги коментиравме нејзините слатки прсти и добивме печатени фотографии, во тој момент дури и не забележавме дека воопшто ги нема нејзините раце “, се присетува оваа мајка.
Следниот ден таа закажала средба со бабицата која и се јавила еден час пред закажаниот состанок. Ванеса раскажува дека бабицата ја посоветувала со себе да го донесе сопругот бидејќи како што вели на ултразвукот имало неочекуван наод.
“Таа ми рече дека има нешто чудно на ултразвукот. Рече дека треба да го земам сопругот со мене и да најдам некој што ќе ја чува мојата двегодишна ќерка. Веднаш срцето ми падна во стомакот и солзите почнаа да паѓаат. Нешто беше ужасно, ужасно погрешно, јас само го почувствував тоа “, рече Ванеса.
Бабицата прво неа ја известила дека детето може да има расцеп на усната, а Ванеса се надевала дека тоа е единствениот проблем. Но, за жал, тоа не беше сè.
“Едната коска беше закривена и пократка од другата. Добро тешко беше да се прифати веста, но повторно, почувствував надеж дека можеби тоа е сè. Конечно, мојот најголем страв беше дека ќе го изгубам ова бебе. Бев загрижена дека бременоста не е одржлива. Дека има нешто што нема да може да го преживее “, се присетува таа, откривајќи дека подоцна дознала дека детенцето има проблем со срцето.
Додека таа стравуваше за своето бебенце, но секако и за реакцијата на својот сопруг, тој кога ја дозна веста, остана смирен и и рече: “Ова ќе биде благослов за нашето семејство. Мислам дека на нашето семејство му треба некој како неа. Таа ќе нè научи толку многу”.
Ванеса вели дека речиси секој доктор кој го посетиле во текот на бременоста им препорачал абортус уверувајќи ги дека нивната ќерка нема да има квалитетен живот, но иако се плашеше од сè што го чекаше нејзиното семејство во иднина, Ванеса престана да си поставува многу прашања кон крајот на бременоста и ја прифати идејата дека универзумот и малата Ајви ја одбрале да биде мајка на такво посебно девојче.
Ајви ги изненади и се роди четири недели порано, а нејзината мајка истакна дека „таа не би ја менувала за ниту едно друго бебе“.
Различноста некогаш може да биде инспирација за успех.
Еден таков пример е Ник Вујичиќ, кој својот недостаток го искористи за инспирација на многумина. Тој е роден со ретката болест тетра амелија синдром поради која нема ниту раце ниту нозе. Во една прилика Ник ја раскажа својата животна приказна и ја откри реакцијата на своите родители кога прв пат го виделе во родилиштето.
Ник јавно кажа дека на почетокот неговите родители не можеле да го прифатат. Во една прилика рече дека кога неговиот татко Борислав кога го видел за прв пат се онесвестил, додека неговата мајка Душка не сакала во прво време да си го види синот. Но со текот на времето тоа се сменило и тој израснал со многу љубов и поддршка од семејството.
Иако во младоста се борел до страшни предрасуди и депресија, Ник го одржала неизмерната љубов на родителите.
Ник Вујичиќ има одржано говори во 43 земји и разговарал со повеќе од 4.500 000 луѓе, а гледаноста не неговите предавања на интеренет се мерат со десет милиони посети од целиот свет.
Ник денеска е татко на четири деца и е среќно оженет со Канае Мијахра.
