“Гори Инстаграм”: Шехерезад го покажа трудничкиот стомак на плажа – сите гледаат во неа!

Турската актерка Бергузар Корел и нејзиниот сопруг Халит Ергенч, кои нашата публика ги запозна во улогите на Шехерезад и Онур во серијата „1001 ноќ“, го очекуваат своето трето дете.

Актерката е во 30-тата недела од бременоста и неодамна откри дека чека девојче.

Таа често објавува фотографии на својот профил на Инстаграм, па сега ги изненади фановите со една фотографија на плажа на која се гледа нејзиниот голем труднички стомак.

Инаку Бергузар Корел ситно брои до породувањето и едвај чека да стане мајка по трет пат.
Актерската двојка чека девојче, кое ќе ја „зацврсти“ женската страна на семејството, со оглед дека веќе имаат два сина.

Од кога стана познато дека популарните Онур и Шехерезад повторно ќе станат родители, овој пат на девојче, јавноста со нетрпение очекуваше да го слушне нејзиното име.

„Утринско кафе со Лејла“, напиша неодамна бремената Бергузар во друштво на нејзиниот сопруг и на тој начин открила дека бебето ќе добие убаво име.

Интересно е што актерката истото име го сподели и за време на својата втора бременост, но тогаш со ултразвук се покажа дека таа ќе роди момче. Актерката го задржа името со надеж дека еден ден ќе биде горда мајка на преслатката Лејла и сега неколку години подоцна, нејзиниот сон станува реалност.

Во март минатата година парот го доби второ дете. Но и покрај тоа медиумите постојано пишуваа дека парот не се согласува баш најдобро и често им предвидуваа развод.

– Не се согласуваат околу многу работи. Најлошо е што Халие не сакаше друго дете зошто се смета за премногу стар, а неговата сопруга го наговарала на тоа речиси две години. Кога останала бремена, бил пресреќен, но откако се породила, целосно му се посветила на детето и тој се нашол запоставено и заборавено. Одлучиле да се разијдат на неколку месеци, а после тоа ќе одлучат дали засекогаш ќе се разделат, рече извор близок до двојката. Наводно 50-годишниот Халит веќе почнал да се допишува со друга жена за која турските медиуми наведуваат дека е многу популарна и важи за една од најголемите актерски надежи во Турција.

Но сепак изгледа сето ова се само чаршиски моабети бидејќи убавата Бергузар Корел, постојано објавува фотографии на кои се гледа дека ужива во бременоста и дека и годи семејниот живот.