Вила, јахта, скапи автомобили, станови- еве што се е во тестаментот на Саша Поповиќ!

Пред извесно време во јавноста излезе веста дека директорот на „Гранд“ продукција Саша Поповиќ го подготвил својот тестамент.

Тој е еден од најбогатите луѓе во регионот, кој не жали што троши пари на луксузни предмети.

Како што пренесува Скандал, тој решил да напише тестамент и се што има да и остави на својата сопруга Сузана Јовановиќ.

– Саша се консултирал со својот адвокат и решил се да и остави на Сузана. Таа е петнаесет години помлада од него, но тој има најголема доверба во неа и сигурен е дека таа ќе знае како да управува со целиот имот што го поседуваат – тврди близок извор на семејството и додава:

-Има доверба во својата ќерка, како и во синот на Сузана, кој го одгледа како да е негов. Но тој е решен да ѝ остави се на Сузана. Сигурно не мисли дека му се ближи крајот, свесен е само за времето во кое живееме и дека треба да го реши тоа навреме.

Сузана Јовановиќ, како што се наведува, по официјалното составување на тестаментот ќе биде побогата за неколку милиони, но бидејќи таа и Саша се во хармоничен брак, таа не придава значење на тоа, туку му го посветува вниманието на сопругот и се труди да ужива со него.

Освен во недвижнини, Саша претходните години инвестираше пари и во скапи автомобили, но и во јахти.

Како што се наведува, Поповиќ поседува јахта која е закотвена на хрватското приморје и троши вртоглава сума пари за нејзино одржување.

– Воопшто не жалам за пари за такви работи, сакам да имам скапи и добри автомобили. И јас знам да возам јахта и поради таа причина ја купив – изјави Поповиќ во една прилика.

Кога станува збор за автомобилите, Саша, според пишувањето, го поседува целиот возен парк. Има БМВ и8, кое го платил 150.000 евра. Пред тоа купил џип „мерцедес“ кој вреди околу 50.000 евра, а поседува уште еден, кој е поевтин за 10.000. Исто така, многу често низ градот вози мал „паметен“ автомобил чија цена е околу 15.000 евра, бидејќи му е практично да паркира.

Како што понатаму се наведува, Поповиќ планира да изгради и луксузен комплекс на Авала, каде купил плац, а неговиот дом на Бежанијска коса зрачи со луксуз на секој чекор.

Прекрасната куќа на директорот на Гранд секако зрачи со просторност, а во дневната соба доминира скапиот бел мебел, пијано, шанк, многу уметнички и семејни фотографии.

Во дворот до големата куќа имаат уште една мала помошна. Зелената градина во која ужива ова семејство е прекрасно уредена, а имаат и зелена патека до влезот во домот, како и пространа тераса.

Поповиќ поседува и стан во Опатија, кој, според медиумите, платил 300.000 евра, а во една прилика на социјалните мрежи се пофалил со луксузот во кој ужива со семејството и пријателите додека е на одмор. Тој покажа дел од својот дом: базен, тераса и поглед на море.

Да потсетиме, пред неколку години медиумите пишуваа дека вкупната плата на Саша во последните неколку години, вклучително и седум и пол милиони од продажбата на компанијата, изнесува околу 10.500.000 евра.