“Операцијата траеше 5 часа”: Лила јавно проговори за борбата со канцерот- “Ми го смени животот но не и мојата вредност”

Лила Филиповска важи за една од омилените водителки и Тв лица кај нас. Пред една година таа се соочи со здравствен проблем за кој неодамна проговори јавно и буквално ги шокираше сите.

Имено Лила Филиповска неодамна се најде на насловната страница на најновиот број од списанието ,,Убавина и здравје’’.

Во интервју за списанието, водителката отворено и емотивно говори за борбата со канцерот, за лекцијата која ја научила и за вистинските луѓе кои останале околу неа.

-Се чувствувам одлично, победнички! Последниот пет-скен покажа дека канцерот се повлекол и дека сум здрава! Имам измешани чувства. На моменти се смеам гласно, па ќе ми надојдат солзи… Повеќе од една година бев во постојана неизвесност и сонував за овој момент кога докторите ќе ми кажат: „Лила, во оваа битка ти си победникот!“ За среќа, го дочекав тоа – изјави водителката за Убавина и здравје.

-Операцијата траеше 5 часа и помина успешно. И додека некои мислеа дека во Истанбул сум на шопинг, јас бев на операција. Иако, морам да ви кажам, неколку дена по операцијата морав да чекам да ми ги извадат дреновите, но јас не лежев туку шетав низ Истанбул со другарка ми и со три дрена во џебовите, изјави популарната водителка за горенаведениот медиум.

Пред неколку дена Лила се појави на Саемот за венчавки и како и секогаш ги собра сите погледи.

Водителката и инфлуенсерка докажа зошто важи за една од најмоќните и најатрактивните жени кај нас. Во црна тоалета, со кратка коса Лила продефилира на саемот и ги засени присутните.

Во својата објава на Инстаграм таа откри дека канцерот буквално и го променил животот но тоа не ја натерало да се откаже од борбата.

-Канцерот ми го смени животот но не и мојата вредност. Прв пат зборувам за мојата борба со канцерот, но не да ве траоризирам туку да ви кажам дека го победив тоа зло после година и кусур борба и дека сум тука да помогнам некому заедно да го победиме. Не заборавајте канцерот НЕ Е НЕПОБЕДИВ !!!! Јас сум доказ !!!!, напиша Лила на Инстаграм.