ПОЗНАТАТА ТУРСКА АКТЕРКА ИСЧЕЗНАТА ПО ЗЕМЈОТРЕСОТ ВО ТУРЦИЈА: Јавноста стравува од најлошото: „Таа е под урнатините, нема ни трага ни глас од неа“?

Џансу Дере (42) во 2000 година ја освои титулата Мис на Турција, но поради политички одлуки не можеше да оди на светскиот натпревар.

Таа е една од најбараните и најпознатите актерки во Турција но денес во медиумите одекна веста дека наводно исчезнала по силниот земјотрес што ја погоди Турција.

Актерката која се прослави по улогите во многу турски серии како што пишуваат мрачните медиуми, наводно е под урнатините бидејќи немало никаков знак од неа, и никаков глас со денови.

Но, јавноста е изненадена и од фактот што ниту семејството на популарната актерка се уште не се изјаснило за овие наводи.

Од друга страна, нема потврда дека Џансу Дере во тоа време била на југот на Турција, а нејзината последна објава на Инстаграм е од 5 јануари.

Атрактивната Џансу најмногу добиваше главни улоги во серии кои беа многу популарни кај нас. Таа глумеше во познатата серија „Езел“, а ја толкуваше и улогата на Ајсан Атај, која беше најголемата љубов на главниот лик Езел, кој го игра Кенан Имирзалиоглу.

Исто така, Џансу важи за една од најплатените актерки.

Приватниот живот на оваа убавица е толку турбулентен што ниту една сапуница не би и била рамна.

Најмногу била разочарана од врските кога во 2009 година требало да се омажи за турскиот комичар Џем Јилмаз, но тој се вљубил во нејзината најдобра пријателка Аху Јагта, со која Џансу учествувала на ревии на почетокот на нејзината кариера.

Тој се оженил со неа и добиле дете но среќата не траела ниту три години. По распадот на бракот Џем се обидел да се врати кај неа,но таа повеќе не ни размислувала за тоа.

– Поради тоа плачев со денови. Бев изневерена, повредена и ништо не можеше да ме расположи. Бев на дното. Моите пријатели работеа напорно околу мене, постојано ме изнесуваа надвор, се обидуваа да ме насмеат и расположат, но јас тонев се подлабоко во мојата депресија, изјави тогаш таа.

Но, тоа не е единствениот љубовен крах што го доживеала. Кога стрелата на Купидон конечно повторно ја погоди и таа започна врска со нејзиниот менаџер Џем Ајдин, повторно беше изневерена.

– Ладна сум како мраз и таква ќе останам. Некои работи не ја засегаат јавноста затоа што се приватни, па се однесуваат само на мене. Не им се оправдувам на моите родители, ниту на другите. Лажењето е толку лоша особина што не сакам да имам лажго во мојот живот. Всушност, колку побрзо тој излезе од мојот живот, толку подобро, барем според мене, рече тогаш таа.