Победничката на „Никогаш не е доцна“ по трет пат се бори со рaк на дојка: “Одам на хемотерапија, ми падна косата”!

Бојана Барјактаревиќ јавноста ја запозна во талент шоу програмата „Никогаш не е доцна“ каде ја однесе и победата.

Сега пејачката соопшти тажни вести за нејзините обожаватели. Имено таа по трет пат се соочува со најзлобниот противник во животот.

Откако двапати успеа да излезе како победник во битката со ра/кот, сега објави дека повторно се бори со оваа болест.

Таа неодамна помина низ процес на хемотерапија, кој беше исклучително исцрпувачки и тежок, исто како и претходните пати, а сега е пред продолжување на лекувањето. Во оваа прилика се огласи и самата Бојана.

– Вистина е, трет пат имам р.ак на дојка. Имав мастектомија (операција за отстранување на дојката, која понекогаш вклучува и отстранување на други ткива лоцирани во близина на дојката, како што се лимфните јазли), завршив со хемотерапија и сега пијам лекови. Имам циклуси на зрачење, така што сè е исто како минатиот пат. Се разбира, нема предавање, се борам и продолжувам понатаму! Се надевам дека овој пат ќе успеам трајно да ја победам болеста и дека мастектомијата ќе даде резултати – изјави храбрата Бојана.

Таа посочи дека ниту во моментите кога и било најтешко не се откажала од музиката и пеењето.

– Тоа се подразбира и тоа е она што го сакав. Примам хемотерапија, па одам да пеам, така беше минатиот пат. И сега косата ми падна по седум дена. Затоа избегнував да се појавувам во јавноста додека не заврши се. Но, работам на нови песни, па потоа ќе се дружиме, ќе се видиме, ќе разговараме за убави теми – додаде Барјактаревиќ.

– Со музика се занимавам 29 години, не сум ја запоставила. Ја занемарив медиумската експонираност и изгледот. Се пензионирав за да закрепнам и 17 години останав надвор од естрадата – изјави пејачката.

Пејачката на сцената на музичкото шоу „Никогаш не е доцна“ за прв пат проговори за борбата со туморот на левата града, кој подоцна метастазирал.

– Ми извадија 24 жлезди. Направив 16 хемотераписки третмани, а по првиот ми падна косата. Доброто е што сега имам нова коса, 40% повеќе од порано. Најважно е да се биде упорен и позитивен, нема нервен слом, тоа е најголемиот непријател – истакна во една прилика Бојана Барјактаревиќ.