Кафе муабет
Карлеуша прозборе за неостварената желба на Душко: Ќе му родам син!
Пејачката откри дека Душко сака син...
Првата љубов на Јелена Карлеуша го одбележа животот на пејачката. Во периодот кога штотуку се прослави и стана дел од јавната сцена, се забавувала со момче со кое имала големи планови за во иднина.
Јелена на само 19 години со голема искреност јавно проговори за извесен Немања, кој и го украл срцето.
View this post on Instagram
– Првата љубов ми се случи на 16 години и таа трае се уште. Тоа е мојот сегашен дечко. Патем, мојот прв дечко. Неговото име е Немања. Тој е спортист и ми е голема поддршка во животот и работата – изјавила пејачката со насмевка на лицето, пренесува „Свет и скандал“.
Јелена имала голема желба да го помине целиот живот со Немања и со него да основа семејство:
– Се надевам дека ќе бидеме заедно уште многу години, како што бевме до сега. Тој е човек кој многу ми помага и ми дава задоволство да продолжам да го работам тоа што го работам. Многу го сакам. Се надевам дека ќе се омажам за него и ќе родам пет деца – додала таа, пренесува споменатиот медиум.
Но, судбината им ги попречила плановите, а тинејџерската љубов паднала во заборав.
Пејачката беше во брак со Бојан Кариќ, но по само три месеци брак се разведоа, а овој развод беше проследен со медиумски линч.
Јелена тогаш тврдеше дека за нивниот развод е виновен вујкото на Бојан, Богољуб Кариќ. Таа во својата колумна за Ало потоа ја откри својата страна на приказната и деталите од животот во семејството Кариќ.
Само што почнав да се забавувам со Бојан, бев баниранa на БК телевизија, албумот кој тогаш излезе за БК беше „замрзнат“, а навредите на семејните ручеци беа секојдневни. Сите седиме и јадеме супа во тишина, додека овој ми се*е по глава како „работам против семејството“ и дека само чека „писмени докази““, ја започна тогаш својата исповед Јелена, а потоа откри што се случувало понатаму:
Го чукнав Бојан со лакт, за да ме одбрани од нападот на вујко му, а тој молчи. Молчеше додека не се измисли познатата афера „Телохранител и ЈК на задното седиште на Хамер“. Какво холивудско сценарио, да речеме? Се разведовме по три месеци брак.
Јелена денеска е среќна покрај својот сопруг Душко со кој е во брак повеќе од една деценија и со кој ги добија ќерките Атина и Ника, а како што своевремено изјави, неостварената желба на нејзината посилна половина е да имаат машко дете.
-Најголемата желба на Душко е син. Ништо не форсираме, ако треба да се случи, ќе се случи. Дај боже, не наполнив ни 40 години. Се може да се направи кога сакаш – изјави Јелена во 2018 година за „Ало“.
