Се жени Мустафа Сандал: Закажана гламурозна свадба од 200.000 евра, во јавноста протече уникатната покана- вакво нешто немате видено

Поранешниот сопруг на Емина Јаховиќ повторно ќе застане на „лудиот камен“.

Мустафа Сандал ќе го каже судбоносното „да“ на речиси две децении помладата Мелис Сутсуруп, и тоа двапати – прво во вечниот Рим, а потоа и во турското летувалиште Мармарис.

Избраните гости веќе добиваат покани а како што се претпоставува нивниот број е околу осумдесет. Граѓанската венчавка е закажана за 3 јуни во турската амбасада во италијанската престолнина, по што ќе следи гала прослава која треба да трае од 10 до 12 јуни во одморалиштето Д Марис на брегот на Егејското Море.

Интересно е што поканата содржи и кратка снимка од амбиентот на луксузниот хотел, а во позадина се слуша песна во изведба на Мустафа.

Свадбата број два започнува во петок на 10 јуни со „грчка вечер“. Следниот ден двојката ќе ги повтори заветите пред гостите, а потоа ќе започне бескрајната забава, која според блиски извори ќе се пресели на плажа. Церемонијата завршува во недела.

Според турските медиуми, Сандал за овој важен настан издвоил околу 200.000 евра.

Не се штедеше ниту кога се ожени со Емина. Иако имале помалку гости, тој во тоа време потрошил цело богатство.

Емина, која имаше проблеми со поранешниот сопруг за плаќање алиментација за синовите Јаман и Јавуз, одамна емотивно стави точка на врската со Мустафа, па веста за неговиот брак не ја погодила.

Но медиумите пишуваат дека алиментацијата која им ја должи на синовите се уште е неисплатена, поради што не и е сеедено.

Додека тој настојува емотивно да биде исполнет, таа даде се од себе да блесне на деловен план, а се радува на бројните успеси кои и ги носат новите календарски години.

За потсетување, за време на бракот Емина и Мустафа живееа заедно во Турција, па и ова судење се одржало во Истанбул. Мустафа наводно морал да и плати на Емина околу 1.700 евра за нејзините трошоци и уште 1.130 евра за нејзините синови.

Пред една година во домашните медиуми се пишуваше дека Мустафа не ја извршувал оваа должност цели 26 месеци, а на Емина и должи 73.000 евра. Но, судот во март ја одби тужбата за алиментација на Емина Јаховиќ, бидејќи се покажа дека Мустафа сепак плаќал алиментација.

Поранешниот сопруг на пејачката на суд докажал дека и платил 1,8 милиони турски лири, што изнесува околу 115.000 евра, а неговото барање да се одбие барањето за „задоцнети плаќања за деца“ е прифатено.

Успеал да докаже дека на поранешната сопруга и платил повеќе од 900.000 лири, за кои има и банкарски сметки. Дополнително, судот прифати двегодишната кирија за вилата во која живеат Емина и нејзините синови да изнесува дополнителни 900.000 лири, а паѓа на товар на Мустафа.