И ДАНИЕЛА МАРТИНОВИЌ СЕ МАЖЕЛА ВО ЦРКВАТА НА СУДБИНАТА: Зошто пејачката молчела за бракот пред Грашо?

Малкумина знаат дека Данијела Мартиновиќ веќе била мажена, а се венчалa во истата црква во која се венчаше и Петар Грашо!

Венчавката на Петар Грашо и Хана Хуљиќ предизвика голем интерес во јавноста, но и отвори некои стари рани, пред се поради долгогодишната врска на пејачот и Данијела Мартиновиќ.

Така дојде до израз претходниот период од животот на Данијела, како и нејзиниот брак, за кој многу малку се зборуваше.

Имено, таа во 1995 година се омажи за музичарот Марко Перковиќ Томпсон, но три години подоцна се разведе. За случајот да биде уште поинтересен, и Петар и Даниела се венчаа во иста црква – Свети Доминик во Сплит.

Се чини дека ова светилиште е предодредено во животот на Данијела,- таму го започнала својот музички „живот“, пеејќи како девојка во црковниот хор.

Данијела најмногу молчеше за бракот со Марко, а уште повеќе за разводот со него, бидејќи јавноста во Хрватска се сврте против неа. Иако таа се разведе три години по венчавката, црковниот развод траеше многу подолго. Дури во 2006 година Католичката црква дала согласност за поништување на бракот, а во меѓувреме Марко – како самопрогласен голем верник, не можел да се венча во црква. Дополнително, медиумите објавија дека Тончи Хуљиќ барал од Данијела да го премолчи Марко, за неговиот проусташки углед да не ја загрози работата на групата „Магазин“ во која таа пеела.

Таа, пак, веќе започнала врска со Грашо уште пред официјалното завршување на црковниот брак. Тие биле пријатели и порано, а кога се дознало дека се заљубени, таа рекла: “Не е тајна дека го сакам Петар Грашо. Со целото битие стојам зад таа љубов. Мислам дека тоа е најважното”.

Даниела тогаш изјави дека „за се друго ќе има време“, но се покажа дека времето не може вечно да биде сојузник на оваа љубов.

За потсетување свадбата на Хана Хуљиќ (31) и Петар Грашо (45) се случи минатиот викенд.

На социјалните мрежи се уште кружат фотографии од свадбата, а кумот на Грашо, Дино Раѓа (54), на Инстаграм објави серија фотографии од забавата и предизвика лавина коментари.

Веднаш почнаа да се редат честитки, но се разви дискусија за Данијела Мартиновиќ (50) со која Грашо беше во врска 25 години.

„Најмногу ми е жал за кутрата Даниела“, напиша таа, а Дино спремно одговори:
– Зошто ти е жал, па таа го остави? – напиша тој и дискусијата продолжи во коментарите.

Многумина ги дадоа своите теории за причините за раскинувањето на нивната врска и на крајот заклучија: – За да осудиш треба да знаеш многу, а ние не знаеме ништо.

Друга придружничка која не била воодушевена од венчавката решила наместо Хана и Грашо да ги пофали Дино и неговата сопруга Викторија (44).

-Ти и Вики за мене сте сто пати подобра двојка – напиша таа, а Дино повторно имаше подготвен одговор:-Тие се одличен пар – одговори долгогодишниот пријател на Грашо.

По раскинувањето на Данијела Мартиновиќ и Петар Грашо, кој сега е во брак со 15 години помладата Хана Хуљиќ, ќерката на Тончи Хуљиќ, многумина се сетија на интимното интервју кое пејачката го даде за хрватските медиуми, а кое сè уште ги тресе сите жени кои се борат за потомство.

Данијела беше во емотивна врска со Грашо 24 години и никогаш не криела дека се надевала на заеднички деца, што не се случило.

Како што еднаш истакна, не и е лесно што медиумите, бидејќи е јавна личност, се занимаваат со оваа тема.

-Мајчинството ми е доста тешка и лична тема, а од друга страна со оглед на тоа што сум пејачка е многу јавна. Понекогаш таквите наслови за моето неостварено мајчинство звучат и изгледаат толку едноставно, неточно. Затоа, во ранливите моменти на емоционална експанзија, почнав да пишувам, раскажувајќи приказна во една форма во која му се обраќам на моето неродено дете, на моето Малечко. Знаеш, оние долги ноќи кога имаш чувство дека немаат почеток или крај, чувство дека ќе останеш засекогаш заглавен во пукнатината на времето. Сакав да му кажам се од прво лице еднина – изјавила Даниела за Јутарњи пред неколку години.