Тато сакаше да го наследам семејниот бизнис, но јас сакав лесни пари: Барбара откри со што се занимавала пред да стане пејачка!

За животот на пејачката Барбара Бобак почна многу да се дознава откако таа заплови во љубовна врска со популарниот пејач Дарко Лазиќ.

Барбара сега откри со што се занимавала пред да започне со пеење.

– Потекнувам од обично, нормално семејство. Јас бев од Вуковар во основно училиште, одличен ученик во средно. Долго работев како копирајтер во една австралиска компанија бидејќи се трудев од 18 години да не им бидам товар на родителите и да се осамостојам. Работев и во теретана пред да почнам да ги пишувам тие написи на англиски – изјави Барбара во емисијата „Црвена зона“.

– Желбата за пеење дојде случајно кога на социјалните мрежи видов објава на другарка која е пејачка. Секогаш пеев убаво, но ми беше срам да пеам пред други. Седев во тој момент со пријатели од факултет кога го видов тоа видео. Инаку студирав програмирање.

– Работевме некоја алгебра што катастрофално ми одеше и само реков: „Не знам што правам овде, ќе се обидам како пејачка, па што сака нека биде! “. Брзо почнав да пеам на свадби и свирки. За мене брзо се дозна, дали поради харизма или поради пеењето, но на сите им се допадна тоа што сум поразлична – ја продолжи приказната Барбара.

– Брзо почнав да работам многу, па се уште не сум свесна за се што ми се случува. Татко ми, кој е сопственик на приватна транспортна компанија, сакаше јас да го наследам семејниот бизнис, но за мене тоа отсекогаш беше машка работа, а јас отсекогаш го сакав лесниот динар. Мајка ми е медицински работник, имам помал брат, се на се, секогаш сме воделе нормален живот на просечно семејство.

-Никогаш ништо не ми недостасуваше, па сега да морам да запловам во пејачките води поради тоа. Само така се поставија работите. На моите родители им требаше долго време да го сварат фактот дека решив да пеам затоа што секогаш покажував афинитет кон учење и некоја канцелариска работа – открила пејачката.

-Се надеваа дека во одреден момент ќе се вразумам и ќе се фокусирам, па ќе ја наследам фирмата на татко ми. Меѓутоа, кога сфатија дека музиката е мојот пат, ми рекоа само да не се жалам и да не пеам во дупки, туку сето тоа да го правам на некое ниво. Не ми кажаа ништо што не го знаев и сакав.

– Секогаш правев убави, културни свирки. Доаѓав убаво облечена, закопчана до грло. Токму кога родителите го прифатија тоа, се случи ова со Дарко. Сето ова првично најмногу го погоди тато затоа што не можеше да се помири со фактот дека пишуваат глупости за неговата миленичка, која цел живот ја одгледувал и ја дотерувал да биде принцеза – низ насмевка истакнала Барбара.

– Сепак, сега се навикна на тоа. Најважно ми е да сум во ред со нив, да ме разбираат и поддржуваат, па навистина не ми е гајле што ќе каже некој друг – рекла Барбара.

Гради кариера на грбот на Дарко!

Барбара Бобак на јавноста и стана позната кога започна љубовна врска со фолкерот Дарко Лазиќ.
Брзо стекна популарност откако ја официјализираа нивната врска па како што вели извор близок до парот, наводно профитирала од врската со пејачот и ја покачила цената на нејзините настапи.

Дека за кратко време нејзиниот живот драстично се промени говори и тоа што на крајот на декември е закажана американска турнеја на која ќе настапи со Дарко.

– Барбара активно се занимава со музика веќе четири години, но за неа знаеја само луѓето од помалите места каде што пееше за викендите. Отсекогаш сонувала да сними песна, но немала ниту способност ниту контакти да го оствари тоа. Снимаше видеа и ги објави на Јутјуб, но тоа не и помогна да го оствари сонот и да зачекори на сцената, се додека сосема случајно не го запозна Дарко. Кога се дозна за нивната врска, која е проследена со бројни скандали поради минатото на пејачот, таа стана препознатливо лице благодарение на медиумите и Инстаграм профилот на Дарко. Тогаш и се отвори вратата и почна да добива покани за поголеми гостувања. Така таа ја зголеми цената за 1.400 евра повеќе отколку што претходно ги наплаќаше тезгите – вели изворот.

-Имав работа и пред Дарко. Не е точно дека ме турка тој. Не ми треба рекламирање. Моите родители ме воспитаа да заработам се со мојот труд. Не правам ништо над туѓ грп и горда сум на тоа. Јас и Дарко сме во ист бизнис и тоа е причината што многумина мислат дека ме турка и ми ги троши парите. Се шушкаше дека повеќе не работи, дека никој не му се јавува затоа што прави проблеми, но тоа не е точно. Тој и јас работиме без престан. Тоа што не се рекламираме не значи дека седиме дома. Ние си ја гледаме работата и мислам дека тоа е најдобриот начин – изјавила Барбара за „Република“.