По долги години борба за потомство и 14 ин витро конечно ја држам среќата во раце- емотивна приказна на Сандра која никогаш не престана да верува дека ќе стане мајка!

По 14 години борба за потомство, 39- годишната Сандра Јовановиќ од здружението „Шанса за родителство“ пред повеќе од еден месец се оствари во улогата на мајка.

Имено таа имала 14 ин витро оплодувања, и конечно среќата и се насмевнала, па сега во својата прегратка ја има својата ќерка Љубица.

-Сега кога станав мајка мислам дека сега дури и можам да им помогнам на луѓето, нагласи таа и сподели совети за оние кои се борат за потомство.

– Секоја шеста двојка не може да има деца, во 40 проценти од случаите проблемот е кај мажот, кај исто толку жени, а во 20 проценти од случаите причината е непозната – објаснила Сандра во своето гостување на телевизија РТС:

– Спасот за овие парови е вештачко оплодување. Некогаш прескап и достапен за многумина само во странство, а денес е далеку подостапен кај нас.

Оваа новопечена мајка вели дека во таа борба за потомство најмногу и помогнало здружението „Шанса за родителство“, како и членовите на здружението кои и помогнале сама да се справи со проблемот.

Таа нагласува дека подигнувањето на свеста за ин витро оплодување е многу важно.

На прашањето како не се откажала и како се борела во тој процес, Сандра вели дека секогаш чувствувала дека има надеж и својата желба да стане мајка ќе и ја оствари.

-Таа желба ме понесе, но сепак си дадов некакви граници до кога ќе се трудиме. Неуспехот е обесхрабрувачки, а по 12. и 13. обид беше тешко, секогаш кога ќе видите негативен тест, но целта е да застанете цврсто и да направите поттик – искрено одговори Сандра.

Како што вели таа, најчести предрасуди се дека со вештачко оплодување се добиваат вештачки деца, дека бебињата се прават во лабораторија, не се свесни дека спермата на таткото и мајчината јајце клетка се поврзани во лабораториски услови и дека тие се ваши деца.

Сандра откри и дека  додека се бореле за потомство поминувала низ тежок период, особено кога ги слушала советите од околината.

-Паровите кои се борат со неплодност често можат да бидат повредени од советите на околината, како предлозите, кога да се посети лекар или кој чај да се пие, а најважно е да ги слушаме бидејќи има некој кој стражил се.

Сандра ги повика сите кои имаат проблем со стерилитет да се обратат во здружението „Шанса за родителство“ и да не се откажуваат.