ПОСЛЕ РАЗВОД: Не ги користите децата како поштар за да пренесете порака до поранешниот партнер!

Разводот влијае на сопружниците и нивните деца. Како да се одржи квалитетот на родителството по разводот, како да се третираат децата во тој период и да се помине низ овој процес за да не остави голема траума врз детето.

На оваа тема Мина Шољага, доктор по психологија и семеен терапевт, зборуваше во емисијата „150 минути“.

Таа посочи дека во такви момент кога родителите се разведуваат најважно е детето да се чувствува сакано.

Многу е важно да му покажете на детето дека се уште го сакате. Децата од предучилишна возраст се особено чувствителни и склони да фантазираат дека ако нивните родители престанат да се сакаат, ќе престанат да ги сакаат и нив. Често се случува, вели Шољага, децата да се чувствуваат виновни што нивните родители се развеле. Затоа е важно нивните родители да им покажат дека разводот не е нивна вина.

Партнерскиот развод не значи развод од родителските обврски и затоа родителите треба да се обидат да не ги претворат своите конфликти во конфликт со детето.

Според Шољага нивната комуникација треба да биде директна, отворена и детето не смее да биде нивниот поштар кој ќе пренесува пораки од едниот на другиот родител.

Три најчести причини за развод!

Еден од предусловите за квалитетен брак е да имате отворена врска со партнерот. Ова значи дека можете да споделите среќа и тага, грижи, успеси, стравови, најинтимни чувства со него …
Дејвид Акива, советник и едукатор за брак, ги набројува трите најчести причини зошто паровите се разведуваат:

Мојот партнер ми е најдобар пријател…

Акива вели дека ова е важен знак дека можеби сеуште сте длабоко вљубени еден во друг. Паровите кои се заедно долго време често го споменуваат ова како тајна на среќна врска. Не е се изгубено ако хемијата исчезна за момент, може да се врати.

Повеќето парови мислат дека заљубувањето мора да биде страсно и опојно како на почетокот на врската. Но, тоа е само романтична фаза. По првите неколку месеци до една година, сосема е нормално оваа фаза да исчезне и да започне фазата “мојот најдобар пријател”.

Мала или никаква интимност

Ако сакате да го вратите сексот во бракот, мора да ја вратите љубовта, вели Акива. Тоа е толку едноставно. Ова го прават најдобрите пријатели во здрав брак. Најновите истражувања покажуваат дека емоционалната интимност е клучот за сексуалното исполнување на жените. Истражувачите кои стојат зад студијата открија дека „љубовта го прави сексот физички попријатен“ за жените, така што оние кои ги сакаат своите партнери, велат дека се чувствуваат помалку ограничени и поспремни да ја истражат својата сексуалност.

Нема повеќе вистинска комуникација, се расправаме!

Кога ќе научите правилно да ги изразувате и прифаќате емоционалните потреби кај партнерот – кавгите и другите негативни однесувања ќе исчезнат.

Нема идеален развод, но секако многу зависи од тоа колку е стресно за детето.

Научниците се согласуваат дека добрата комуникација и соработка помеѓу разведени родители е клучна за децата да го поминат овој тежок период со што помалку последици.

За жал, во некои случаи тоа не е можно, особено кога во средината има семејно насилство. Заклучокот е дека во иднина треба да се посвети поголемо внимание на испитувањето на последиците од разводот и начините за намалување на ризикот по здравјето на децата.