„Ми се јавуваше неколку пати”: Милица Тодоровиќ откри голема тајна за Цеца

Пејачката Милица Тодоровиќ денес важи за една од најатрактивните на Балканот, а сега проговори за советите кои и ги даде фолк дивата Светлана Цеца Ражнатовиќ во текот на нејзината музичка кариера.

Тодоровиќ најпрво проговори за непристојните понуди што ги добила во текот на нејзината кариера.

– Пеам 18 години. Пеам од мојата 11 година. Никогаш не сум имала непристојни понуди затоа што имам таков став, толку многу ми замеруваат, особено мајка ми – започна Милица за медиумите.

Пејачката откри дека Цеца Ражнатовиќ имала забелешки на нејзиното однесување.

– Кога станува збор за колегите, Цеца Ражнатовиќ ми се јавуваше со најдобри намери, тоа беше одамна, и таа ми рече: „Зошто понекогаш не си дама?“ Јас и одговорив: „Што да правам, тоа сум јас “. Го градев тој штит уште од мали нозе само за да се заштитам. Никој не може ништо да ми направи. Ако некој ми приоѓаше на груб начин, ќе добиеше сериозна шлаканица, знам да се борам – рече Милица.

Таа се осврна и на музичкиот натпревар „Ѕвездите на Гранд“, кој заврши пред неколку дена.

– Ги пратев Ѕвездите на Гранд. Искрено, сите тие пеат феноменално. Нема што тука, сега е само прашање кој ќе се покаже преку работа, бидејќи победата не е сè. Како и да е, честитки за победникот. Сите беа феноменални за мене, но морам да ја пофалам мојата Валентина Кузмановиќ од Крушевац, таа растури. Ја познавам одамна – рече Милица.

Да беше сега во жирито, Тодоровиќ ќе ја избереше пејачката Ана Бекута за свој ментор.

– Би ја избрала Ана Бекута. Ја сакам од малечка, сакам како пее, два пати беше мој продуцент во студиото. Ја повикав да ја прашам како да пеам ова или она и таа ми даде совет и помош многу пати. Таа е убава жена! – рече Тодоровиќ и додаде:

– Јас, се разбира, не би ги исклучила другите. Тука е Марија Шерифовиќ, која е феноменална музичарка. Секој е ценет на свој начин, но во моето срце е Ана – заклучи Милица.