КОРОНА СВАДБА ВО БОЛНИЦА: Заболените од корона не виделе вакво нешто- еве која е причината за прослава во болницата!

56 годишен маж од Израел доби ретка прилика да присуствува на свадбата на својот син, во време на пандемијата со корона, кога речиси секаде се забранети свадбени прослави.

 

 

Имено тој е хоспитализиран во болницата во Ерусалим во септември, поради потешки симптоми на Ковид-19,  но сепак персоналот дозволи свадбата да се прави во дворот на болницата, па тој од болничкиот кревет ја проследи целата церемонија, пренесува Србија данас.

 

 

Видеото направено од медицинскиот центар Хадаса ја покажува невестата, проследена со две жени кои држат свеќи, одат кон традиционалната крошна поставена во болнички круг.

На видеото може да се види и музичар кој пее традиционална еврејска музика, како и брачен пар опкружен со гости под маски.

На венчавката присуствуваа и неколку фоторепортери.

 

 

Таткото седи на креветот покрај прозорецот украсен со балони и ја гледа свадбата на својот син, а може да се забележи и дека диши со помош на апарати.

Волонтерот кој помогнал за организациај на целата церемонија, Јад Аврахам, изјавил дека таткото за време на венчавката на синот, носел капа која православните Евреи ја носат во посебни прилики, но за жал немал сила да облече традиционално одело за таа пригода.

 

 

Болницата во неделата објави дека свадбата се одржала во согласност со сите препораки на Министерството за здравство.

Во повеќето земји во светот, поради пандемијата беа забранети свадбените церемонии.

 

 

Пред два дена и Словенија се приклучи на земјите каде има забрана за свадби, крштевки и други веселби. Во Македонија уште од почетокот на пандемијата, некаде во месец март, беше воведена ваква мерка како една од оние за заштита од Ковид-19.