Ќерките на Карлеуша воодушевија со својот новогодишен стајлинг: Ги облекоа фустаните на мама и ги собраа сите комплименти

Поп дивата Јелена Карлеуша помина уште една новогодишна ноќ во работна атмосфера, настапувајќи во елитен белградски хотел.

Но колку е таа посветена на своите ќерки покажа со тоа што и оваа вечер сакаше да ја помине со нив, па ги поведе со себе.

Тие заедно со својата мајка дојдоа во хотелот каде Јелена Карлеуша настапуваше а очигледно е дека тие се особено горди на својата мајка која ја следеа од нивните удобни позиции.

Затоа, покрај стајлингот на пејачката, кој се коментираше веднаш штом се качи на сцената, за многумина беше интересен и стајлингот на Атина и Ника Тошиќ кои особено ги изненадија сите присутни.

Како што самата пејачка им откри на новинарите, ќерките го позајмиле стајлингот на нивната мајка за „најлудата ноќ“.

– Атина и Ника се тука, беа со мене и лани, сега веќе се во фустаните и чевлите на мајка им, тоа можам да ви го кажам, веќе се големи девојки, многу сум горда на тоа – изјави Јелена.

Ќерките на Јелена Карлеуша дочекот не го поминаа само со нивната мајка, која ја помина работно таа вечер, туку и со тетката на Јелена, Данијела.

Наследничките на мама навистина веќе се доволно пораснати за да ги носат нејзините комбинации, а сите се согласија дека избраните стилови совршено им одговараат.

Јелена во една прилика откри како сите написи поврзани за неа влијаат на Атина и Ника и истакна дека била изненадена од тоа колку нејзините ќерки всушност зрело размислуваат.

– Тие се две девици и тоа значи дека чуваат се за себе, што секако лошо влијае на нив. Кога поминував низ некои проблематични и кризни ситуации во мојот живот, отидов на нивните профили на социјалните мрежи за да прочитам што им пишувале сите деца и сфатив дека моите ќерки се посериозни, позрели, посилни отколку што мислев дека ќе бидат бидејќи буквално дома не зборуваа за тоа, не придаваат значење и не сакаат да ја нервираат мајка им.

И кога јас прва ќе почнам да зборувам за тоа, веднаш ми велат: „Боже, мамо, нормално е, знам, не мора да ми објаснуваш“. Тогаш сфаќам дека одгледав силни деца. Можеби звучи тажно што воспитував силни девојки наместо, да речеме, безгрижни девојки, но тие мораа да бидат такви.

Ќерките на Јелена Карлеуша особено ги почитуваат одлуките на мајка си. Така четиринаесетгодишната Атина и една година помладата Ника веќе добро знаат како да се справат со популарноста на нивната мајка а Јелена откри и каков однос имаат девојките со тато Душко.

– Душко, како и секој тато, најчесто е аксичка прасичка. Тие обично имаат сериозни разговори со мене, иако и тој се труди максимално да разговара со нив колку што може. Она што е многу важно, морам да го пофалам Душко, тој никогаш не се спротивставил или противречи на ниту една моја воспитна одлука. Кога ќе му се пожалат, тој само одговара: „Ако мама рече така, ќе биде така“. Тој знае дека секогаш го правам најдоброто за нив и знае дека не попуштам, додека тој им попушта во се. Секогаш кога се работи за работи кои се важни за нивното школување или воспитување, тој не ми се меша во одлуките и му благодарам за тоа – откри неодамна за Стори Јелена Карлеуша.