Што се случува со нив: Јована Пајиќ и Сале Тропико фатени заедно- по одлуката за развод тие се смирија?

Пејачката Јована Пајиќ и нејзиниот поранешен сопруг Александар Цветковиќ, попознат како Сале Тропико минатата година ги шокираа фановите со нивната одлука за развод по десет години брак.

Иако важеа за еден од најхармоничните парови, сепак Јована и Сале решиле да се разделат но да останат во добри односи поради своите деца.

Имено парот имаше и посебна причина за славење а дека одлично се согласуваат и по разводот доказ се и фотографиите кои осамнаа во медиумите.

Нивната постара ќерка Хелена славеше роденден. Двајцата и честитаа на социјалните мрежи, а потоа решија денот да го поминат заедно.

– Денеска е прекрасен ден за мене, роденден и е на ќерка ми! Среќен роденден, моја посебна девојко – напиша Јована.

Ниту гордиот татко не можеше да ги сокрие емоциите па сподели фотографија од својата прва ќерка и порача: Среќен роденден љубави.

Сите биле видно расположени, а Сале и Јована одлично се сложувале и биле многу блиски.

Ова е првпат заедно да се појават во јавност по приказната за разводот, а сега многумина се прашуваат дали можеби дошло до помирување меѓу нив.

Освен нив, имаше и други членови на семејството и пријатели кои дојдоа да и го разубават денот на младата Хелена, а Јована и Сале срдечно ги пречекаа и ги угостија.

Да потсетиме, кога во медиумите зборуваа за крајот на бракот и двајцата изјавија дека останале добри пријатели и дека не сакаат нивните ќерки да страдаат поради тоа.

Но иако разводот се случи мирно и без никакви расправии Јована беше таа која ги спакува куферите и го напушти семејниот стан со ќерките, додека со Сале се договори за заедничко старателство.

Здравствената состојба на Јована Пајиќ беше многу лоша по одлуката да се раздели со музичарот, а на својот „Инстаграм“, профил откри дека минатата година била предизвикувачка и полна со болни соочувања за неа:

– Оваа година беше ролеркостер на мојот живот. Многу тешка, полна со предизвици и промени. Болни и тешки соочувања пред се со себе. Здравствени проблеми, како последица на сето горенаведено.
Она што го посакувам за сите, но и за себе, е да не се спротивставувате. Да си дозволите да излезете од сопствените граници, оклоп и познати програми. Не е лесно, но потребно е, верувајте. Живејте го вашиот најдобар живот, споделете ја вашата среќа и радувајте се на туѓата. Пофалете, поддржете и издржете! Ве сакам – напиша пејачката на почетокот на годината.